მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯვრისწერაც კი პოლიტიზირებული გავხადეთ..." - რეალურად, დაკეტეს თუ არა სვეტიცხოველი ბერა ივანიშვილის ქორწილის გამო
15:46 / 12-11-2018
11 ნოემბერს, ყოფილი პრემიერ-მინისტრის ბიძინა ივანიშვილის ვაჟის ქორწილი გაიმართა. ბერა ივანიშვილმა და მისმა რჩეულმა ნანუკა გუდავაძემ ჯვარი სვეტიცხოვლის საკათედრო ტაძარში დაიწერეს.
სადღესასწაულო ცერემონიალთან დაკავშირებით, სვეტიცხოვლის ტაძარი ყვავილებით იყო მორთული და ტაძრის ტერიტორიაზე უსაფრთხოების ზომები მაქსიმალურად იყო გამკაცრებული.
"ოლიგარქის შვილის ქორწილის გამო მთელი მცხეთა ევაკუირებულია, სვეტიცხოვლიდან გამოყარეს მლოცველები და მთელი ქალაქი საგანგებო რეჟიმზე გადაიყვანეს" - ასე გამოეხმაურა „ქართული ოცნების“ ლიდერის შვილის ქორწილს „ძალა ერთობაშიას“ საპრეზიდენტო კანდიდატი გრიგოლ ვაშაძე.
გავრცელებულმა ინფორმაციამ, რომ ტაძარი ჯვრისწერის გამო დაიკეტა და იქ მომლოცველებს არ უშვებდნენ, საზოგადოების კრიტიკა გამოიწვია. რამდენად შეესაბამება ეს ინფორმაცია სიმართლეს, ამის გადამოწმება სვეტიცხოვლის მღვდელმსახურთან, მამა პეტრე კვარაცხელიასთან ვცადეთ:
- პირველ რიგში, ვულოცავ ახლადდაქორწინებულ წყვილს ჯვრისწერას და ოჯახის შექმნას! დავიწყებ იმით, რომ გუშინ, სვეტიცხოვლის საკათედრო ტაძარში წირვა ჩვეულებრივ ჩატარდა, რომელსაც ბუნებრივია, ესწრებოდა მრევლი და მხოლოდ წირვის მერე დაიწყო მზადება ქორწილისათვის, მაგრამ ის, რომ იქ ხალხი არ შეუშვეს და ვიღაცეების უფლებები შეილახა სასულიერო პირების მიერ, არის სიცრუე! არ შეიძლება სასულიერო პირებს დავაბრალოთ ის, რაც არ მომხდარა და ამ ადამიანებს ცილი დავწამოთ. ჩვენ რა უფლება გვქონდა, რომ მომლოცველი ტაძარში არ შეგვეშვა?!
- მამა პეტრე, საზოგადოების რეაქცია იყო მკვეთრად უარყოფითი...
- ის რაც მოხდა გუშინ და ზოგადად, რაც ხდება ჩვენს ქვეყანაში, არის იქიდან გამომდინარე, რომ ყველაფერი, მათ შორის ჯვრისწერაც კი გავხადეთ პოლიტიზირებული. ერის ასეთი გაბოროტება და ასეთი დაბოღმვა, ვფიქრობ არასწორია. რაც არ უნდა გულნატკენი იყო მამაზე (მნიშვნელობა არ აქვს ვინაა მამა), შვილმა რა დააშავა, რომ მისთვის ერთ-ერთი უმნიშვნელოვანესი დღე ასეთი სალაპარაკო გახადო და ამდენი სიბოროტე ილაპარაკო?!
ზოგადად, დიფერენციაცია და ადამიანების კლასების მიხედვით დაყოფა არ მომწონს. მნიშვნელობა არ აქვს ქონებრივ შესაძლებლობებს. მდიდარიც და ღარიბიც, უფლის წინაშე ვართ თანასწორები. უფალი ყველას გვეკუთვნის და არავის აქვს უფლება, რომ ადამიანის უფლებები შელახოს და მას ტაძარში მისასვლელი გზა გადაუკეტოს, მაგრამ ჯვრისწერისთვის რომ სამზადისი იყო და ამისთვის ტაძარი მორთეს, ამაში გასაოცარს ვერაფერს ვხედავ. დარწმუნებული ვარ, ეს ასე მოხდებოდა ნებისმიერ ქვეყანაში და ნებისმიერ ტაძარში. გასაგებია, რომ ვიღაცას გუშინ უნდოდა იქ მისვლა, მაგრამ ჯვრისწერის შემდეგ ხომ მიეცათ ტაძარში თავისუფლად გადაადგილების საშუალება?!
- ზოგადად თუ გახსენდებათ შემთხვევები, როცა ასე ვთქვათ, ტაძარი მრევლისთვის დაკეტილა?
- მე მახსოვს, როცა 2004 წელს, სამების საკათედრო ტაძარი რომ გაიხსნა (თუ არ ვცდები 23 ნოემბერი იყო), მომლოცველებს არ უშვებდნენ ტაძარში, მრევლი გარეთ იდგა კოკისპირულ წვიმაში და საშინელი ქარიშხალი ამოვარდა... ასეთ სიტუაციაში, გარეთ დატოვეს ადამიანები და ეკლესიაში არ შეუშვეს და ამას აკეთებდნენ სწორედ ის ადამიანები, ვინც აღშფოთებული წერს, სვეტიცხოველში მრევლი არ შეუშვესო და მაშინ, წინა ხელისუფლების დროს წინა პლანზე იდგნენ და აკონტროლებდნენ ვინ შესულიყო და ვინ არა! მაშინ ეს ხალხი თავად ავრცელებდა ინფორმაციას, რომ ტაძარში შესვლა საშვითაა დაშვებული, რადგან პრეზიდენტი და მთავრობის წევრები ესწრებიან წირვასო და დიდი ამბავი, თუ პრეზიდენტის წასვლის მერე შევლენ ეკლესიაშიო.
ღმერთი ყველასია და არავის აქვს უფლება, რომ მასთან მისასვლელი გზა დაუკეტოს ადამიანს. სასულიერო პირებს, არავისთვის არ უთქვამთ ტაძარში შესვლაზე უარი. პირიქით, ნეტავ ხალხი მოვიდეს და ტაძარები გაივსოს მრევლით. სამწუხარო ფაქტია, მაგრამ სვეტიცხოვლის საკათედრო ტაძარში, მრევლზე მეტი ტურისტია და ესეც გუშინდელი ჯვრისწერის ბრალია?!
მე არ ვარ არცერთი პოლიტიკური სპექტრის მეხოტბე, პირიქით, ყველა მხარის ოპოზიციაში ვარ, მაგრამ გუშინ, ვფიქრობ რომ უსაფრთხოების ზომების გამო, სთხოვეს ხალხს (და არა მოსთხოვეს) რომ ჯვრისწერის დროს ცოტა სიფრთხილე გამოეჩინათ, თუმცა ის ფაქტი, რომ იქ იდგნენ სასულიერო პირები და მრევლს არ უშვებდნენო, არის სიცრუე. ერის პრობლემა სხვა რამეშია - ჩვენ რომ ნამდვილად მორწმუნეები ვიყოთ და ნამდვილად შეგვტკიოდეს გული ადამიანებზე, მაშინ ამ თემას ასე სალაპარაკოს არ გავხდიდით...
ავტორი: ლადო გოგოლაძე
ფოტო: savemoment_studio
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
