საქართველოს პირველი ლედი და მსოფლიო ლიდერების მეუღლეები - ფოტოები ვერსალის სასახლიდან
საქართველოს პრეზიდენტი და პირველი ლედი პარიზში, ემანუელ და ბრიჯიტ მაკრონების სახელით, პირველი მსოფლიო ომის დასრულების 100 წლისთავისადმი მიძღვნილ საიუბილეო ღონისძიებებში მონაწილეობენ.
რამდენიმედღიან ღონისძიებაზე მსოფლიოს სხვადასხვა ქვეყნების ლიდერები და პირველი ქალბატონები იმყოფებიან. მათ შორის: აშშ-ს პირველი ლედი მელანია ტრამპი, მონაკოს პრინცესა შარლინი და სხვები.
საქართველოს პირველი ლედი მაკა ჩიჩუას, ბრიჯიტ მაკრონმა მსოფლიო ლიდერების მეუღლეებთან ერთად ვერსალის სასახლეში სადილზე უმასპინძლა. სტუმრებმა ვერსალის სასახლე დაათვალიერეს, რის შემდეგაც ოფიციალური სადილი გაიმართა, რომელზეც ბრიჯიტ მაკრონმა მსოფლიო ლიდერების მეუღლეებს სიტყვით მიმართა.
ქალბატონმა მაკრონმა სტუმრებს მადლობა გადაუხადა საფრანგეთში სტუმრობისა და საიუბილეო ღონისძიებებში მონაწილეობისათვის. მისი განცხადებით, დღეს საფრანგეთში სტუმრობა განიხილება, როგორც ძლიერი მეგობრობის ნიშანი და მზადყოფნა ვაშენოთ მშვიდობა და შევუქმნათ მსოფლიოს მშვიდობიანი მომავალი.
"სწორედ ვერსალია ის ადგილი, სადაც 100 წლის წინ, პირველი მსოფლიო ომის შემდეგ, ერთა შორის მშვიდობისათვის შეთანხმება შეიქმნა", - აღნიშნა ბრიჯიტ მაკრონმა.
ოფიციალური სადილის შემდეგ მაკა ჩიჩუა ვერსალში ვენის ფილარმონიის ორკესტრის კონცერტს დაესწრო.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
