10
ივნისიდღის ზოგადი ასტროლოგიური პროგნოზი
10 ნოემბერს Al Jazeera-ს ეთერში გავიდა ფილმი (The Soviet Scar), რომელიც საქართველოში საბჭოთა არქიტექტურის კვალს დაეთმო. გადაცემის ერთ-ერთ ნაწილში საქართველოს კულტურის მინისტრის ყოფილი მოადგილე, ფოტოგრაფი იური მეჩითოვი საბჭოთა წარსულზე და 9 აპრილის მოვლენებზე საუბრობს. მისი თქმით, 1989 წლის 9 აპრილს ხალხი ასფიქსიის გამო დაიღუპა:
"9 აპრილის პროტესტის დროს შეკრებილები 13-დან 25 წლამდე ასაკის ახალგაზრდები იყვნენ ძირითადად. 90% შეიკრიბა იმიტომ, რომ მათთვის ეს ერთგვარი შოუ იყო, რომელშიც მონაწილეობდნენ. ეს შედეგი დანაშაულებრივი ქმედება იყო მათი მხრიდან, ვინც ამის ორგანიზება მოაწყო. ეს ხელისუფლების ხელში ჩაგდების გეგმა იყო. არავის უნდოდა ვინმეს მოკვლა. ისინი დაიღუპნენ პანიკური გაქცევისას, 20 ქალბატონი დაიღუპა ასფიქსიის გამო. არავინ იყო დაჩეხილი, დაჭრილი, არ იყო მკვლელობები", - განაცხადა იური მეჩითოვმა.
ფოტოგრაფის სკანდალურ განცხადებას საზოგადოების მხრიდან მწვავე პროტესტი მოჰყვა. სოციალურ ქსელებში უამრავი კრიტიკული კომენტარი იწერება:
ფოტოგრაფმა საზოგადოების მწვავე პროტესტს სოციალურ ქსელში უპასუხა და საკუთარ გვერდზე 9 აპრილს გადაღებული ერთ-ერთი ცნობილი ფოტო გამოაქვეყნა.
"წუხილი 9 აპრილს დაღუპულების მიმართ არ განელებულა. კატეგორიულად უვარყოფ ჩემს მისამართით აბსურდულ ბრალდებებს. ქვეყანაში ვერ დასრულდა მტრების ძიება. ეხლა მეც გამომიყვანეს მტრად, რადგან მაქვს ჩემი ცნობები ამ მართლა ტრაგიკული მოვლენის ირგვლივ. მაგრამ ჩვენ არ ვიცით ადამიანის მოსმენა. აი ლაფში ადამიანის ამოსვრა და ამით პატრიოტის ნიღაბის მორგება, ზოგიერთისთვის საქმედ იქცა... სჯობს ქვეყნისთვის სასიკეთო საქმე რომ გვეკეთებინა", - წერს მეჩითოვი.
Al Jazeera-ზე სკანდალური განცხადების გაკეთებას იური მეჩითოვი არ უარყოფს "ფორტუნასთან" ინტერვიუში:
"მე ვიყავი ამ ყველაფრის მონაწილე და თითქმის ყველა ცნობილი ფოტო, რომელიც 9 აპრილის დღეს არის გადაღებული, მე მეკუთვნის. 9 აპრილი საქართველოსთვის დიდი ტრაგედია იყო, მოხდა ძალადობრივი დაშლა, გამოყენებული იყო გაზი, ასევე ნიჩბები, თუმცა, ნიჩბის დარყმით იქ არავინ მომკვდარა. ვისაც ნიჩაბი მოხვდა, მათ აღენიშნებოდათ დაზიანებები სხეულზე, თუმცა ეს სასიკვდილო არ იყო. დაიღუპნენ ძირითადად, ქალბატონები ჭყლეტვის დროს, ასფიქსიის შედეგად", - განმარტავს ფოტოგრაფი.
