„მთელი ქალაქი ცეცხლშია, საზარელი სანახაობაა“ - კალიფორნიაში 27 ათასი ადამიანია ევაკუირებული

აშშ-ში, კალიფორნიის შტატში, ქალაქ პარადაისში მასშტაბური ხანძარია. ხანძარი ხუთშაბათს გაჩნდა და ბოლო მონაცემებით, 8 ათასი ჰექტარზეა უკვე გავრცელებული. ამერიკული მედიის ინფორმაციით, სამი ათასამდე სახლია დამწვარი.

ქალაქიდან მოსახლეობის სრული ევაკუაცია განხორციელდა. ევაკუირებულია 27 ათასი ადამიანი. ამ მომენტისთვის ცნობილია, რომ დამწვრობის გამო ორი ადამიანია ჰოსპიტალიზებული.

ნახეთ კადრები კალიფორნიიდან, სადაც მასშტაბური ხანძრის შედეგად 3 ათასამდე სახლი დაიწვა

„მთელი ქალაქი ცეცხლშია. საზარელი სანახაობაა“, - განაცხადა ქალაქის ადმინისტრაციის წარმომადგენელმა.