Victoria's Secret-ს ტოვებს მოდელი, რომელმაც ეპოქა შექმნა - ადრიანა ლიმას ბრენდის შოუში ბოლოჯერ ნახავთ

ადრიანა ლიმა თეთრეულის ცნობილი ბრენდის Victoria's Secret „ანგელოზი“ 18 წლის განმავლობაში იყო. „დეილი მეილის“ ინფორმაციით, 37 წლის მოდელმა გადაწყვიტა, წლის ჩვენების შემდეგ, რომელიც ნიუ-იორკში გაიმართება, Victoria's Secret დატოვოს.

ადრიანა ბრენდის შოუში პირველად 1999 წელს გამოჩნდა, მაშინ ლიმა 18 წლის იყო, 2000 წელს კი Victoria’s Secret-ის „ანგელოზი“ გახდა - ამ სტატუსის მოდელებს კომპანიასთან განსხვავებული კონტრაქტები აქვთ, ვიდრე, უბრალოდ, შოუების მონაწილეებს. ის მხოლოდ ერთხელ არ გამოჩნდა ჩვენებაში, 2009 წელს, ორსულობის გამო.

ნახეთ ვიდეო : Victoria's Secret-ი დატოვა მოდელმა, რომელმაც ეპოქა შექმნა - ადრიანა ლიმას უკანასკნელი გამოსვლა პოდიუმზე

2008 წლის შოუში ლიმა გამოჩნდა ბუსტჰალტერით Black Diamond Fantasy Miracle Bra, რომლის ღირებულება 5 მლნ დოლარი იყო.

2018 წლის დასაწყისში ადრიანა Vicrotia’s Secret-ის „ყველაზე ფასეულ“ „ანგელოზად“ დაასახელეს, მას სოციალურ მედიაში ყველაზე მეტი მიმდევარი ჰყავს.

მოდელი დაქორწინებული იყო კალათბურთელ მარკო ჯარიჩზე, წყვილი 2016 წელს დაშორდა. ადრიანას და მარკოს ორი ქალიშვილი ჰყავთ.