მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბუფეტში ჩასვლის მეშინოდა, იქ "კაი ბიჭები" იდგნენ" - გურამ კაშია ამბობს, რომ კაცს ტირილის არ უნდა რცხვენოდეს
11:32 / 07-11-2018
არ არის სირცხვილი ადამიანმა და კაცმაც იტიროს, ამის შესახებ საქართველოს ეროვნული საფეხბურთო ნაკრების ვიცე-კაპიტანმა გურამ კაშიამ სკოლის მოსწავლეებთან შეხვედრისას განაცხადა. კაშია „ბრიტანულ-ქართულ აკადემიაში“ სოციალური კამპანიის, "ძლიერები არ ძალადობენ" ფარგლებში იმყოფებოდა, ის კამპანიის კეთილი ნების ელჩია. კაშია სკოლაში განათლების მინისტრის მოადგილესთან და "ლოკომოტივის" ფეხბურთელებთან ერთად იმყოფებოდა.
ფეხბურთელმა გაიხსენა შემთხვევები, როდესაც თავად იყო ბულინგის მსხვერპლი.
„ბუფეტში ჩასვლის მეშინოდა ხოლმე. სკოლაში 6 გაკვეთილი გვქონდა, სამი გაკვეთილის შემდეგ იყო 15 წუთიანი შესვენება, რომ ბუფეტში ჩავსულიყავით და „ბულკები“ გვეჭამა. მე ვერ ჩავდიოდი, იმიტომ რომ მეშინოდა. მეგობრები არ მყავდა ძალიან ბევრი, უფრო გოგოებთან ვმეგობრობდი...
ბუფეტთან „კაი ბიჭები“ იდგნენ ხოლმე, ოთხნი, ან ხუთნი, „შემაყენებდნენ“ ხოლმე - ხურდა მომე, ბიჭოო... ამ ბავშების მართლა მეშინოდა, იმიტომ, რომ მეც პატარა ვიყავი.
ამ პრობლემას გავურბოდი, არავის ვეუბნებოდი, მუცელი მტკივდებოდა, თან მშიერი ვიჯექი სამი გაკვეთილი... ჩემზე 3 წლით უფროსი ძმა მყავს, ყველაზე საუკეთესო ადამიანი იყო ჩემს ცხოვრებაში და მინდოდა, ის არ შემერცხვინა... ბუფეტში თუ ჩავიდოდი და ფულს წამართმევდნენ, მეგონა, ამით შეურაცხყოფას მივაყენებდი ჩემს ძმას. არა და ასე არ არის, პირიქით, ჩემი ძმისთვის უნდა მეთქვა, რომ ასე მეშინოდა. ვინმეს უნდა გაუზიაროთ, თუ რამის გეშინიათ.
„სახლში მეუბნებოდნენ ხოლმე - „ბიჭო, არავინ დაგჩაგროს!“ „არ იტირო!“ არა და ერთი კვირის წინ ვბღაოდი, ისე ვტიროდი, მამაჩემია ძალიან ცუდად, საავადმყოფოშია. არ არის სირცხვილი, რომ ადამიანმა და კაცმაც იტიროს,“ - განაცხადა კაშიამ.
შეხვედრის დასრულების შემდეგ, ფეხბურთელებსა და მოსწავლეებს შორის ამხანაგური მატჩი გაიმართა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
