მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რამდენი კალორია უნდა მივიღოთ დღიურად და როგორია ჯანსაღი კალორიები
10:00 / 07-11-2018
კალორიების დათვლა ბევრისთვის დიეტასთან ასოცირდება, თუმცა რეალურად ის ჯანსაღი კვების რეჟიმის ერთ-ერთი აუცილებელი პირობაა. კალორიები უნდა დაითვალონ მათ, ვისაც ჯანმრთელობის შენარჩუნება სურს და მათაც, ვისაც გახდომა ან გასუქება უნდა. დღეს გადავწყვიტე, ამ მიმართულებით ჩემი გამოცდილება გაგიზიაროთ, რადგან ჩემდა მოულოდნელად, ცოტა ხნის წინ წონასთან დაკავშირებული პრობლემის წინაშე დავდექი. ჩემი პრობლემა ახალ სამსახურთან ერთად დაიწყო. წინა სამსახურისგან განსხვავებით, მთელი დღის გატარება ოფისში, კომპიუტერთან მიწევდა. მიუხედავად იმისა, რომ ჭამისთვის არ მომიმატებია და ისევე ვიკვებებოდი, როგორც ადრე, წონაშიც მოვიმატე და კუჭ-ნაწლავის პრობლემებიც დამეწყო.
თავიდან ამ პრობლემას მარტივად შევხედე, რადგან წონის პრობლემას ადრე არასდროს შევუწუხებივარ, თუმცა მალევე მივხვდი, რომ ეს სახუმარო ამბავი ნამდვილად არ იყო და გადავწყვიტე, გამერკვია, საიდან მოდიოდა ჩემი პრობლემა. თურმე, ამის საწინდარი დღიურად მიღებული და დახარჯული კალორიების რაოდენობაა. აუცილებელია, რომ ვიცოდეთ პროდუქტების კალორიულობა, თუმცა ეს საკმარისი არაა. ამავდროულად, აუცილებელია, რომ ეს კალორიები დღის განმავლობაში სწორი პროდუქტების საშუალებით მივიღოთ.ჰოდა, როგორც გავარკვიე, ჩემი ასაკისა და ცხოვრების სტილის ქალმა დღიურად 1400 კალორია უნდა მიიღოს. უმჯობესია, თუ დილით მიიღებთ ნახშირწყლებს, შემდეგ ხილს და ბოსტნეულს, ასევე, ცხიმს და დღის ბოლოს კი ცილებს.
შევადგინე ჩემი პირადი მენიუც, რომელსაც ახლა ინფოგრაფიკის სახით გაგიზიარებთ:
ეს რაც შეეხება ჩემს პირად მენიუს, ახლა კი საინტერესოა ზოგადი ინფორმაცია, თუ როგორ ანგარიშდება ადამიანისთვის საჭირო კალორიების რაოდენობა.
დღიურად მისაღები კალორიების დაანგარიშება ინდივიდუალურად ადამიანის ასაკისა და წონის შესაბამისად ხდება. თუმცა, ამავდროულად, გასათვალისწინებელია ადამიანის ცხოვრების სტილი და დატვირთულობის ხარისხი. მნიშვნელოვნად განსხვავდება მათი კალორიების დღიური რაოდენობა, რომლებსაც საოფისე სამსახური აქვთ და რომლებიც მთელი დღის განმავლობაში აქტიურად არიან. გასათვალისწინებელია ისიც, რომ კალორიები იწვება ნებისმიერი მარტივი აქტივობის დროს და ძილშიც კი. მას შემდეგ, რაც თქვენი კალორიების დღიურ რაოდენობას გაარკვევთ, გაითვალისწინეთ, რომ თქვენი ყოველდღიური რაციონი 4 ჯგუფის პროდუქტებისგან უნდა შედგებოდეს.
ხორცი, ზღვის პროდუქტები, პარკოსნები: არჩევანი შეაჩერეთ მჭლე და კანგაცლილ ხორცზე. კვირაში 2-ჯერ მიიღეთ თევზი. ნაკლებ ცხიმს შეიცავს გადამუშავებული ხორცპროდუქტებიც, როგორებიცაა სოსისი და ძეხვი. სწორედ ამიტომ რეკომენდებულია მათი მიღებაც.
ხილი და ბოსტნეული: დღის განმავლობაში ადამიანმა უნდა მიიღოს სხვადასხვა სახის ხილი და ბოსტნეული. ბურღულეული, მარცვლეული, პური, კარტოფილი და სახამებლის შემცველი სხვა პროდუქტები:უპირატესობა ენიჭება სრულ მარცვლოვან პროდუქტებს - მათში სასარგებლო ნივთიერებების შემადგენლობა მეტია.
რძე და რძის ნაწარმი: ზოგადად, რძის ნაწარმი მაღალკალორიულ პროდუქტად ითვლება, თუმცა ბაზარზე ხელმისაწვდომია დაბალკალორიული პროდუქტიც. შეარჩიეთ თქვენთვის სასურველი.
საშუალო ასაკისა და საშუალო წონის ქალებისთვის კალორიების დღიური რაოდენობა არის 1700, რომელიც ასაკისა და წონის შესაბამისად, ინდივიდუალურად იცვლება.
მამაკაცებისთვის ეს მაჩვენებელი არის 2400, რომელიც ასევე ინდივიდუალურად ცვალებადია.თუ თქვენ პასიური ცხოვრების წესი გაქვთ, მაშინ ამ ციფრებს უნდა გამოაკლოთ 600. შესაბამისად, ქალებისთვის იქნება 1100, კაცებისთვის კი - 1800. აქტიური ცხოვრების რიტმის შემთხვევაში უნდა დაუმატოთ 300, ანუ ქალების შემთხვევაში კალორიების დღიური რაოდენობა გამოვა 2000, ხოლო კაცებისთვის - 2700.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ესეთი ვახშამი რომ ვჭამო ერთი თვე, სამუხადგვერდო სიაში ჩამწერეთ.
ვარ62 წლის 162 სმ წონა 79 კგ რამდენი კალორია შემიძლია რომ დღეში მივირთვა რომ დავიკლო წონაში