"ყაზტრანსგაზ თბილისის" დირექტორად თბილისის სატრანსპორტო კომპანიის ხელმძღვანელი დაინიშნა - რა ქონებას ფლობს მამუკა კობახიძე

შპს „ყაზტრანსგაზ თბილისს“ გენერალური დირექტორი შეეცვალა. ცვლილება მეწარმეთა რეესტრში უკვე აისახა. კერძოდ, რეესტრის 5 ნოემბრის ამონაწერით, კომპანიის გენერალური დირექტორი მამუკა კობახიძე გახდა, რომელიც დღემდე თბილისის სატრანსპორტო კომპანიის გენერალური დირექტორის პოსტზე მუშაობდა. კომპანიაში სპეციალური მმართველად კვლავ რჩება გიგლა თამაზაშვილი.

შეგახსენებთ, რომ გასულ თვეში „ყაზტრანსგაზ თბილისს“ მფლობელიც შეეცვალა. კერძოდ, კომპანიის 100%-იანი წილის მფლობელი მარშალის კუნძულებზე რეგისტრირებული შპს „ვოლთბეი“ გახდა. ამასთან, გასულ თვეში მფლობელის ცვლილების შემდეგ კომპანიის გენერალური დირექტორის თანამდებობაზე ნიკოლოზ ჭიაურელი დაინიშნა, რომელსაც 2017 წლის მაისის ჩათვლით "კავკასუს ონლაინის“ დირექტორის თანამდებობა ეკავა. ცნობისთვის, კომპანია WALTBAY LTD-მ, საქართველოში რეგისტრირებული მსხვილი ქართული ბიზნესჯგუფის - შპს “სი ბი ეს ჯგუფის” ნაწილს წარმოადგენს.

„ბიზნესპრესნიუსი“ დაინტერესდა, თუ როგორია მამუკა კობახიძის ქონებრივი მდგომარეობა. 2018 წლის 27 მარტს შევსებული ქონებრივი დეკლარაციის მიხედვით, მამუკა კობახიძის შემოსავალი სატრანსპორტო კომპანიის დირექტორის პოსტზე 2017 წლის 21 ნოემბრიდან 31 დეკემბრის პერიოდში 13 333,33 ლარი იყო.

დეკლარაციის მიხედვით, კობახიძე ფლობს 44, 33 კვადრატული მეტრისა და 100,7 კვ. მეტრი ფართობის ორ ბინას თბილისში. დეკლარაციის შევსების მომენტში მასვე სხვადასხვა საბანკო ანგარიშზე - 533,72 ლარი, 10 177,7 დოლარი, 9 003,09 ლარი, 600,2 დოლარი და 38 ლარი ჰქონდა. განაგრძეთ კითხვა