ფოტოები ავლაბარიდან, სადაც საცხოვრებელი სახლის კედელი ჩამოინგრა

ავლაბარში, მეტეხის ქ. #14-ში წუხელ, გვიან ღამით საცხოვრებელი სახლის კედელი ჩამოინგრა. შემთხვევის შედეგად არავინ დაშავებულა.

ადგილობრივების განცხადებით, სახლი წლებია ავარიულია და ინვესტორს ამ დრომდე უშედეგოდ ელოდებიან. შენობაში, რომლის ნაწილიც ჩამოინგრა, 31 ოჯახი ცხოვრობს.

როგორც „ინტერპრესნუსს“ დედაქალაქის მერიის პრესსამსახურში განუცხადეს, მერიისა და გამგეობის წარმომადგენლები ადგილზე უკვე იმყოფებოდნენ და ვითარებას სწავლობენ.