მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბლოკირებული ქუჩები და ცეცხლმოკიდებული მანქანები - პაკისტანში ქრისტიანი ქალის ჩამოხრჩობას ითხოვენ
12:00 / 03-11-2018
ქრისტიანი ქალი, რომელსაც ღმერთის გმობის ბრალდებით სიკვდილი ჰქონდა მისჯილი და რამდენიმე დღის წინ მოსამართლემ დარბაზიდან გაათავისუფლა, პაკისტანიდან გაქცევას გეგმავს, ინფორმაციას „დეილი მეილი“ ავრცელებს.
ასია ბიბი, მისი ძმის თქმით, პაკისტანს გათავისუფლების ოფიციალური პროცედურების დასრულებისთანავე დატოვებს.
ქრისტიანი ქალი 2009 წელს დააკავეს. მისმა ბრალდებამ კი მსოფლიოს დიდი ნაწილი გააოგნა - ასია ბიბი მუსულმან ქალებთან ერთად მინდორში მუშაობდა. მას ჭიდან წყლის მოტანა სთხოვეს. ვიდრე ჭასთან ნაპოვნ ძველ მეტალის ჭიქას სხვებს გადააწოდებდა, ბიბიმ წყალი ჯერ თავად მოსვა. ასიას მეზობელმა, მუსარატმა, რომელიც ქრისტიანი ქალის ოჯახთან დაპირისპირებული იყო, დაინახა, როგორ დალია წყალი ბიბიმ და გაღიზიანებულმა უთხრა, რომ აკრძალული იყო ქრისტიანებისთვის დალევა იმავე ჭურჭლიდან, საიდანაც მუსულმანები სვამენ, მას სხვა ქალებიც დაეთანხმნენ.
როგორც ასია ბიბი იხსენებს, მუსარატმა ქრისტიანობისა და იესო ქრისტეს შეურაცხყოფა დაიწყო და მას მოსთხოვა, მუსულმანობა მიეღო.
„მე მჯერა ჩემი რელიგიის და იესო ქრისტესი, რომელიც ჯვარზე გარდაიცვალა ადამიანების ცოდვების გამო. მსგავსი რამ გაუკეთებია თქვენს წინასწარმეტყველს? იქნებ მე კი არ უნდა მივიღო ისლამი, თქვენ მიიღოთ ქრისტიანობა?“ - უპასუხა მათ ბიბიმ.
ინციდენტიდან რამდენიმე დღის შემდეგ მუსარატმა სხვა მეზობლებთან ერთად ფიზიკური შეურაცხყოფა მიაყენა ასიას და ღმერთის გმობაში დაადანაშაულა. ადგილობრივმა იმამმა ბიბის მოუწოდა, რომ ან ისლამი მიეღო, ანდა - სასიკვდილო განაჩენისთვის მომზადებულიყო. ქალმა უპასუხა, რომ საკუთარი რელიგიის უარყოფას არ აპირებდა, თუმცა არც სასჯელს იმსახურებდა, რადგან უდანაშაულო იყო.
ასია ბიბი დააკავეს და 2010 წელს სიკვდილი მიუსაჯეს, ქალი განაჩენის სისრულეში მოყვანას 8 წელი ელოდებოდა.
31 ოქტომბერს პაკისტანში ასია ბიბის ბოლო სასამართლო პროცესი გაიმართა, მოსამართლემ ყველა ბრალდება მოუხსნა და განაცხადა, რომ ქალის წინააღმდეგ ვერცერთი ბრალდება დადასტურდა. მსოფლიო მედია წერს, რომ გადაწყვეტილება მოსამართლემ საკუთარი სიცოცხლის რისკის ფასად მიიღო.
ქვეყნის თითქმის ყველა ქალაქში ათასობით ადამიანი ქუჩაშია გამოსული და მოითხოვს, ასია ბიბი სიკვდილით დასაჯონ. მთავარი ქუჩები ბლოკირებულია.
ბიბის ძმა, ჯეიმს მასიჰი ამბობს, რომ ასიას სიცოცხლე პაკისტანში დაცული არ იქნება და ქვეყანას უახლოეს დღეებში დატოვებს. ქალს უკვე შესთავაზეს თავშესაფარი ესპანეთმა და საფრანგეთმა, თუმცა მასიჰი არ ამბობს, რომელ ქვეყანაში გაემგზავრება მისი და.
სამართალდამცველების მტკიცებით, ბიბი ახლა უსაფრთხო ადგილას არის, თუმცა ძლიერი სტრესი აქვს.
პროტესტის მონაწილეები ქუჩებში მანქანებს და საბურავებს წვავენ. 1000-ზე მეტმა ისლამისტმა გადაკეტა მთავარი ქუჩა, რომელიც ქვეყნის დედაქალაქს, ისლამაბადს საგარნიზონო ქალაქ რავალპინდისთან აკავშირებს. ისინი მოითხოვენ, ასია ბიბი სახალხოდ ჩამოახრჩონ.
სამხრეთით მდებარე ქალაქ კარაჩიში ულტრა-ისლამისტურმა პარტიის ლიდერმა მხარდამჭერებს მოუწოდა, პოლიციას არ დაემორჩილონ.
ასია ბიბის ოთხი შვილი ჰყავს. ის პირველი ქალია, რომელსაც პაკისტანში ღმერთის გმობის გამო სიკვდილი მიუსაჯეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
