მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არ ვამბობ, რომ ვაშაძის ბრძანებით მაწამეს, მაგრამ ის ყველაფრის საქმის კურსში იყო - მის სინდისსა და ნამუსზე იყოს, რასაც ახლა ამბობს - აბდალაძე
13:08 / 02-11-2018
მე არ ვამბობ, რომ გრიგოლ ვაშაძის უშუალო ბრძანებით მაწამეს ციხეში, მაგრამ მე თუ ჯაშუში ვიყავი, ის უნდა გადამდგარიყო საგარეო საქმეთა მინისტრის პოსტიდან. გრიგოლ ვაშაძე ყველაფრის საქმის კურსში იყო და მის სინდისსა და ნამუსზე იყოს, რასაც ახლა ამბობს, - ასე ეხმაურება ფოტორეპორტიორი გიორგი აბდალაძე გაერთიანებული ოპოზიციის პრეზიდენტობის კანდიდატის გრიგოლ ვაშაძის განცხადებას, რომ წარმოდგენა არ აქვს, ვინ არის გიორგი აბდალაძე.
პრესკონფერენციაზე გიორგი აბდალაძემ მის კოლეგა ფოტორეპორტიორ ნათია გედენიძესთან ერთად კიდევ ერთხელ ისაუბრა, თუ რის გამო გაასამართლეს ის და მისი კოლეგები „ნაციონალური მოძრაობის“ მმართველობის დროს. აბდალაძე, მაშინდელ საგარეო საქმეთა მინისტრსა და ახლა უკვე პრეზიდენტობის კანდიდატს გრიგოლ ვაშაძეს ბოდიშის მოხდას სთხოვს.
„ჩვენ დავისაჯეთ 26 მაისს გადაღებული კადრების გამო და ეს სასამართლომაც დაამტკიცა. ჩვენი ფოტოებით მთელს მსოფლიოს შევატყობინეთ რა ხდებოდა. რომელი ჯაშუშები ჩვენ ვიყავით?! ის ვალდებულია იცოდეს, რომელი კომპიუტერიდან რა სახის სტენოგრამა წავიღე, ვინაიდან მე არ ვიცი რა სტენეგრომაზეა საუბარი, მაგრამ საგარეო საქმეთა მინისტრი თუ იყო, ის ამით დაინტერესებული უნდა ყოფილიყო. დაისაჯა თუ არა ის თანამშრომელი, რომლის კომპიუტერთან დამსვეს. ვინ არის, დაასახელოს სახელი და გვარი. აბსოლუტურად ყველაფერი უნდა ითქვას, საგარეო საქმეთა სამინისტროს ბოდიში აქვს მოსახდელი. მით უმეტეს, გრიგოლ ვაშაძეს. ხმა არავის ამოუღია და როცა ციხიდან გამოვედი, მერე მეუბნებოდა ყველა, ეს რა დაგმართნიაო. ვაშაძეს რომ პრეზიდენტობაზე კენჭი არ ეყარა, მე ხმას არ ამოვიღებდი“, - განაცხადა გიორგი აბდალაძემ.
ამასთან, გიორგი აბდალაძემ პროკურატურასაც მიმართა.
„მივმართავ ასევე პროკურატურას, რომ გაასაჯაროოს ის გრიფით „საიდუმლო“ ინფორმაცია, რომლის შინაარსიც დღემდე არ ვიცი - რა სტენოგრამა წავიღეთ, რა გავაკეთეთ?!“, - განაცხადა აბდალაძემ.
გაერთიანებული ოპოზიციის „ძალა ერთობაშია“ პრეზიდენტობის კანდიდატის გრიგოლ ვაშაძის განცხადებით, ჯაშუშობის ბრალდებით დაკავებულ ფოტორეპორტიორ გიორგი აბდალაძეს საგარეო საქმეთა სამინისტროში არასდროს უმუშავია. ასე უპასუხა მან ჟურნალისტის კითხვას იმის შესახებ, რომ გიორგი აბდალაძის განცხადებით, გრიგოლ ვაშაძემ კარგად იცის, რატომაც დააკავეს ფოტოგრაფები.
„ვინ არის გიორგი აბდალაძე? წარმოდგენა არ მაქვს რაზე საუბრობთ. ეს ადამიანი არასდროს არ მუშაობდა საგარეო საქმეთა სამინისტროში, არამედ იყო შრომითი ხელშეკრულების საფუძველზე. მან უნდა მიმართოს პროკურატურას და სამართალდამცველ ორგანოებს“, - განაცხადა ვაშაძემ.
ჟურნალისტების კითხვაზე, რომ 2011 წელს ვაშაძე ამბობდა, რომ ამ საქმეში არსებობს მყარი მტკიცებულები, მან განაცხადა, რომ არასდროს ასეთი რამ არ უთქვამს.
„ნუ ამახინჯებთ ჩემს ნათქვამს. მე ასეთი რამ არასდროს მითქვამს. მე ვამბობდი, რომ სამართალდამცველ ორგანოებს და პროკურატურას აქვს მყარი მტკიცებულებები“, - განაცხადა ვაშაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
