მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისის ზოოპარკში სპილო გრანდს ეშვის ამოღების ურთულეს ოპერაციას გაუკეთებენ
11:37 / 31-10-2018
სპილო გრანდს ეშვის ამოღების ურთულეს ოპერაციას სამხრეთ აფრიკელი ვეტერინარები გაუკეთებენ.
თბილისის ზოოპარკში სპილოსთვის ოპერაციის მოსამზადებელი პროცესი უკვე სრულდება. ამ მიზნით სპეციალური ტექნიკაა (ამწე) მობილიზებული. ოპერაციისთვის საჭირო სამედიცინო აპარატურა და საშუალებები თავად უცხოელმა სპეციალისტებმა ჩამოიტანეს. ისინი სპილოს ოპერაციას ანაზღაურების გარეშე გაუკეთებენ. უცხოელი ვეტერინარების შერჩევაში თბილისის ზოოპარკის ხელმძღვანელობას „ბი ბი სი“ დაეხმარა. ადგილზე იმყოფება „ბი ბი სი“- ს (BBC) გადამღები ჯგუფი, რომელიც ამ ოპერაციისა და თბილისის ზოოპარკის შესახებ ერთსაათიან ფილმს გადაიღებს.
როგორც ზოოპარკის დირექტორმა ზურაბ გურიელიძემ ჟურნალისტებთან საუბრისას განაცხადა, სპილო გრანდი 23 წლისაა, ის თბილისის ზოოპარკში 2014 წელს ერევნის ზოოპარკიდან ჩამოიყვანეს. მას ორივე ეშვი უკვე დაზიანებული ჰქონდა, რაც წლების წინ მოსკოვის ზოოპარკიდან ერევნის ზოოპარკში სპილოს ტრანსპორტირების დროს მოხდა. ინფექციური პროცესების განვითარების რისკის გამო, გრანდს ერთი ეშვი თბილისში ჩამოყვანიდან 3 თვეში ამოუღეს. ეს ოპერაცია 11 საათი გრძელდებოდა.
როგორც გურიელიძე აცხადებს, სპილოს ნარკოზიდან გამოსვლა გაუჭირდა.
გურიელიძისთვის უცნობია, თუ რამდენი საათი გაგრძელდება ამჟამად ეს ოპერაცია.
"ოპერაციას სამხრეთ აფრიკელი ვეტერინარები ჩაატარებენ: ქირურგი და ანესთეზიოლოგი. მათ აქვთ ძალიან დიდი გამოცდილება. ამასთან, მიმდინარეობს ფილმის გადაღება, რომელსაც „ბი ბი სი“ იღებს. კერძოდ, ახალი სერიალისთვის "დიდი ცხოველების ოპერაციები", სადაც ერთი ეპიზოდი, დაახლოებით ერთსაათიანი ფილმი მიეძღვნება გრანდის და თბილისის ზოოპარკის ისტორიას. სწორედ „ბი ბი სი“- ს საშუალებით გახდა შესაძლებელი ახლა ამ ოპერაციის სწრაფად ჩატარება. მათი საშუალებით დავუკავშირდით ჩვენ სამხრეთ აფრიკელ ქირურგებს, რომლებიც ყველანაირად დაგვეხმარნენ", - განაცხადა გურიელიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
