მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დათა ახალაიას პატიმრობა შეეფარდა - სანდრო გირგვლიანის საქმეზე კუდ-ის ყოფილი ხელმძღვანელის განაჩენი ცნობილია
13:14 / 29-10-2018
თბილისის საქალაქო სასამართლომ სანდრო გირგვლიანის საქმეზე დათა ახალაიას შვიდი წლითა და ექვსი თვით თავისუფლების აღკვეთა შეუფარდა. ის ასევე დამნაშავედ ცნეს ვამეხ აბულაშვილისა და კახა დაბრუნდაშვილის ეპიზოდზე და ექვსი წლით თავისუფლების აღკვეთა მიესაჯა. აღნიშნული გადაწყვეტილება მოსამართლე ნინო ნაჭყებიამ დღეს გამოაცხადა.
კუდ-ის ყოფილი ხელმძღვანელი სასამართლომ დამნაშავედ ცნო უფლებამოსილების გადამეტებაში, უკანონოდ თავისუფლების აღკვეთასა და ადამიანის ღირსების შემლახავ, დამამცირებელ მდგომარეობაში ჩაყენების გამო. ახალაიას სანდრო გირგვლიანის, ლევან ბუხაიძის, კახა დაბრუნდაშვილის და ვამეხ აბულაშვილის ეპიზოდზე საბოლოოდ განესაზღვრა შვიდი წლით და ექვსი თვის ვადით პატიმრობა და ერთი წლის და 6 თვის ვადით ჩამოერთვა სახელმწიფო სამსახურში მუშაობის უფლება.
სასამართლო სხდომას დავით ახალაიას ადვოკატი, ნინო ბერიშვილი არ დასწრებია. როგორც ის „ინტერპრესსნიუსთან“ საუბარში აცხადებს, მისთვის უცნობია, ახალაია აღნიშნულ გადაწყვეტილებას გაასაჩივრებს თუ არა.
„პიროვნება ძებნილია და უფლებამოსილი არ ვარ მე გავასაჩივრო. დათა ახალაიასთან კავშირი არ მქონია, შესაბამისად, გაასაჩივრებს თუ არა ის ამ გადაწყვეტილებას, ამ ეტაპზე უცნობია. იმედია, გაასაჩივრებს“, - აცხადებს ადვოკატი.
ის სარეზოლუციო ნაწილს ჯერ არ გაცნობია. ბერიშვილის განმარტებით, დაცვის მხარემ დავით ახალაიას დაცვის უფლება სრულყოფილად ვერ განახორციელა.
„დასაბუთებულ ნაწილს როცა გავეცნობი, მეცოდინება, თუ რა გადაწყვეტილება მიიღო სასამართლომ. ფაქტობრივად, დაცვა ვერ განხორციელდა, რადგან მტკიცებულებების გამოკვლევის ეტაპზე თანაბარ პოზიციაზე არ ვიყავით ბრალდების მხარესთან.
გირგვლიანის საქმეზე დათა ახალაიას ორგანიზატორობას ედავებოდნენ. ბრალდების მტკიცებით, ახალაიამ გაუწია ამ საშინელ დანაშაულს ორგანიზება. კონკრეტულად რა დავალება მისცა დავით ახალაიამ ამ პიროვნებებს და როგორ უნდა ემოქმედათ, ამის არანაირი მტკიცებულება არ არსებობს. ერთადერთი მტკიცებულება, ყოფილი მსჯავრდებულების ჩვენებებია, რომელთაც თავისუფლების და გარკვეული შეღავათების სანაცვლოდ მიაცემინეს ჩვენებები.
ვამხელ აბულაშვილის და კახა დაბრუნდაშვილის ეპიზოდათან დაკავშირებით, საქმეში ჩახედული არ ვარ, რადგან ჩემი დაცვის ქვეშ მყოფთან არ მისაუბრია და მისი პოზიცია არ ვიცი. რატომღაც, მგონია, რომ ეს ბრალის გასამყარებლად და ჩემი დაცვის ქვეშ მყოფის მიმართ უარყოფითი წარმოდგენის შესაქმნელად გააკეთეს. ეს სუსტ მტკიცებულებად მიმაჩნია. დაზარალებულის ჩვენების გარდა, სხვა მტკიცებულება არ არსებობს“, - აცხადებს ადვოკატი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
