"ქართული ოცნების" ეგზიტპოლის შედეგები - სალომე ზურაბიშვილი - 52,3 %, გრიგოლ ვაშაძე - 28,1 %

"ქართული ოცნების" დაკვეთით ჩატარებული ეგზიტპოლის შედეგების მიხედვით, მათ მიერ მხარდაჭერილი კანდიდატი სალომე ზურაბიშვილიარჩევნების პირველივე ტურში იმარჯვებს.

ეგზიტპოლის შედეგები პარტიის ოფისში პარლამენტის თავმჯდომარე ირაკლი კობახიძემ რამდენიმე წუთის წინ წარადგინა.

ეგზიტპოლის მიხედვით, შედეგები ასეთია: სალომე ზურაბიშვილი - 52.3%,

გრიგოლ ვაშაძე - 28.1 %

დავით ბაქრაძე - 9.2 %

ზურაბ ჯაფარიძე - 3.3%

შალვა ნათელაშვილი - 3.1%

ეგზიტპოლი კვლევითმა ორგანიზაცია "ფსიქოპროექტმა" ჩაატარა. ეგზიტპოლი 100 უბანზე ჩატარდა და მის ფარგლებში 5124 ამომრჩეველი გამოიკითხა.

ნახეთ ასევე: "რუსთავი 2"-ის ეგზიტპოლის შედეგები - სალომე ზურაბიშვილი 40%, გრიგოლ ვაშაძე - 40%, დავით ბაქრაძე - 10%