გიგი უგულავას ფავორიტი მომღერლები სალომე ზურაბიშვილის მხარდამჭერები გახდნენ

შოუ-ბიზნესისა თუ კულტურის სფეროს წარმომადგენლებს საკუთარ პიარ-კამპანიებში პოლიტიკოსები მსოფლიოს ყველა ქვეყანაში იყენებენ. საქართველო, ამ მხრივ გამონაკლისი არ არის, თუმცა ე.წ. სელებრითების პოლიტიკური სიმპატიები, სამწუხაროდ, მთავრობების შეცვლის მიხედვით იცვლება.

დასანანია, მაგრამ ქართველი პოლიტიკოსებიც საარჩევნო კამპანიისას შოუ-ბიზნესის წარმომადგენლებსა და ე.წ. ინტელიგენეციას ანიჭებენ უპირატესობას, ვიდრე რიგით ამომრჩეველს, რომელსაც არჩევნებში ხმების მისაცემად, მივარდნილ სოფლებშიც კი აკითხავენ, ათასგვარ დაპირებას აძლევენ და გამარჯვების შემდეგ ავიწყდებათ.

გუშინ სპორტის სასახლეში პრეზიდენტობის დამოუკიდებელი კანდიდატის სალომე ზურაბიშვილის შემაჯამებელი შეხვედრა გაიმართა, რომელსაც ბომონდი თითქმის სრული შემადგენლობით დაესწრო.

ამ ადამიანების რიგებში ისეთებსაც შეხვდებოდით, ვინც 2012 წლის 1 ოქტომბრის არჩევნების დასრულებამდე „ნაციონალურ მოძრაობას“ ხოტბას ასხამდა.

წინა ხელისუფლებამ ბრძოლა ე.წ. ინტელიგენციას გამოუცხადა, რომლებიც მუდმივად პრივილეგიებით სარგებლობდნენ. მიხეილ სააკაშვილმა მათ ჩარეცხილები უწოდა. ასპარეზზე ახალი „ინტელიგენცია“ გამოჩნდა, მათგან ზოგი მძღოლად დაასაქმეს, ზოგი დამლაგებლად, ზოგი მრეცხავად და ა.შ. ასე დაუფასდათ მათ „ნაციონალური მოძრაობის“ ერთგულება. ვისაც თანამდებობა არ შეხვდა, სააკაშვილს განუდგა.

წინა ხელისუფლების შეცვლის შემდეგ, ფინანსთა სამინისტროს საგამოძიებო სამსახურმა "თბილსერვისჯგუფში" ფიქტიურად დასაქმებულებს შორის "თეატრალური კვარტეტის" წევრები აღმოაჩინა - ორი წლის განმავლობაში მათ მიერ აღებულმა ხელფასმა 70 ათასი ლარი შეადგინა.

„თეატრალურ კვარტეტის“ ბიჭებს განსაკუთრებული პოპულარობა და ფართო ცნობადობა სწორედ ამ ე.წ. „ფეშენ მომღერლების“ სიამ მოუტანა განაგრძეთ კითხვა