მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სოფო ხალვაში ზურაბიშვილის შეხვედრაზე სიმღერის გამო, ტელევიზიიდან გაათავისუფლეს - რას ამბობს მომღერალი
13:47 / 26-10-2018
მას შემდეგ რაც, მომღერალმა და აჭარის საზოგადოებრივი მაუწყებლის თანამშრომელმა სოფო ხალვაშმა "ქართული ოცნების" მხარდაჭერილი პრეზიდენტობის კანდიდატის, სალომე ზურაბიშვილის შემაჯამებელ წინასაარჩევნო შეხვედრაზე იმღერა, მის მიმართ დისციპლინური საქმის წარმოება დაიწყო. აღნიშნული ინფორმაცია აჭარის ტელევიზიამ გაავრცელა.
აჭარის საზოგადოებრივი მაუწყებელის ადამიანური რესურსების მართვის სამსახურის უფროსის, გია ქარცივაძის განცხადებით, მაუწყებლის ნებისმიერ თანამშრომელს პოლიტიკური პარტიის მიერ ორგანიზებულ ღონისძიებებში მონაწილეობა ეკრძალება და სოფო ხალვაში სამსახურიდან დროებით ამიტომ გაათავისუფლეს.
VIDEO: "ჩვენი საქართველო აქ არის" - ვინ უმღერა სალომე ზურაბიშვილს
აღსანიშნავია, რომ ხალვაში არამხოლოდ სპორტის სასახლეში გამართულ შეხვედრაში მონაწილეობდა, არამედ "ქართული ოცნების" მხარდასაჭერად მომზადებულ მუსიკალურ კლიპშიც - "ჩემი საქართველო აქ არის", მიიღო მონაწილეობა.
AMBEBI.GE კომენტარისთვის მომღერალს დაუკავშირდა.
- სოფო, ცნობილი გახდა რომ სამსახურიდან გაგათავისუფლეს. მოულოდნელი იყო თქვენთვის აჭარის ტელევიზიის ეს გადაწყვეტილება?
- ნამდვილად მოულოდნელი იყო გადაწყვეტილება. „ფეისბუქის“ პოსტიდან გავიგე, რომ დილის გადაცემიდან გამათავისუფლეს. დიდი ხანია აჭარის ტელევიზიის თანამშრომელი ვარ და არაერთხელ მიმიღია მონაწილეობა მსგავს ღონისძიებებში და სამსახურიდან არავის გავუთავისუფლებივარ. ამ ტელევიზიაში მე ვმუშაობ, როგორც მომღერალი, მე არ ვარ ჟურნალისტი და შესაბამისად, როგორც მინდა და სადაც მინდა, იქ დავაფიქსირებ ჩემს პოზიციას.
ეს არის ჩემი და ჩემი ოჯახის მხარდაჭერა სალომე ზურაბიშვილისადმი, რომელსაც ვაფიქსირებ ჩემი საქმით და ასე ვემსახურები ჩემს ქვეყანას.
- დაგიკავშირდათ ტელევიზიის წარმომადგენლობა?
- დამირეკეს ცოტა ხნის წინ და შეხვედრაზე შევთანხმდით, მითხრეს, რაღაც დეტალები გავიაროთო, ჯერჯერობით არ ვიცი რა დეტალები უნდა გავიაროთ. ნამდვილად არ ვიცოდი ჩემს სიმღერას ეს ამბავი თუ მოყვებოდა.
- გავრცელდა ინფორმაცია, რომ შესაძლოა, დაბრუნდეთ ტელევიზიაში, დაბრუნდებით?
- ჯერჯერობით ვერაფერს გეტვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
