მიხეილ სააკაშვილის პირველი კომენტარი გავრცელებულ ჩანაწერზე - "გონებაშეზღდული დეგენერატის გარდა ამას ვერავინ დაიჯერებს"

აბსოლუტური გონებაშეზღდული დეგენერატის გარდა ამას ვერავინ დაიჯერებს, - ასე გამოეხმაურა "პალიტრანიუსის" გადაცემაში "360 გრადუსი" ვიდეო ჩართვისას საქართველოს ყოფილი პრეზიდენტი მიხეილ სააკაშვილი დღეს გავრცელებულ აუდიოჩანაწერებს.

მიხეილ სააკაშვილის შეფასებით, დღეს გავრცელებული ჩანაწერი არ შეესაბამება სიმართლეს და ის არის "ივანიშვილის კატასტროფის გადასაფარად"“ მოგონილი თემა.

"უკრაინული ვებ-გვერდი სწორედ იმიტომ მოიგონეს, რომ არანაირი საუბარი არ არსებობს. ბიძაჩემის ხმა საერთოდ არ არის ბიძაჩემის ხმა. ინტერესის გულისთვის მოვისმინე ეს სისულელე და ეტყობა ვიღაც მსახიობი ჩაწერეს. ჩემი ნაკრებები არის რაღაც. ერთხელ უკვე გამოიყენეს მათ დაახლოებით ასეთი ჩაწერილი საუბრები 2016 წელს. ეს არის სხვადასხვა ჩაწერილი საუბრები 2015 წლამდე სხვადასხვა თემებზე.

აბსოლუტური გონებაშეზღდული დეგენერატის გარდა ამას ვერავინ დაიჯერებს. თუ ივანიშვილს უნდა, რომ ამით გადაფაროს თავისი სრული კატასტროფა და კრახი, რაც არის საქართველოში, ეს არ გამოუვა.

რეალურად საქართველოში სიტუაციის რადიკალიზაცია მართლაც ხდება და ეს მოახდინა ქართველი ხალხის ძარცვამ. ივანიშვილი გადაიქცა „ალიბიძინად და 40 ყაჩაღი" ბანდიტური დაჯგუფების ხელმძღვანელად, რომელმაც გაძარცვა საქართველო",-განაცხადა მიხეილ სააკაშვილმა.

ერთ-ერთ უკრაინულ ვებ-გვერდზე სავარაუდოდ, საქართველოს ყოფილი პრეზიდენტის, მიხეილ სააკაშვილის და მისი ბიძის, თემურ ალასანიას სავარაუდო საუბრის ამსახველი აუდიოჩანაწერი გავრცელდა. აუდიოჩანაწერის მიხედვით, სავარაუდოდ, თემურ ალასანია ამბობს: "ერთ მილიონს გადავუხდი, ვინც "სნაიპერსკი ვინტოვკით" მოკლავს ბიძინას".