მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველად ეთიოპიის ისტორიაში, ქვეყანას ქალი პრეზიდენტი ჰყავს - ის უკვე შეადარეს ინდირა განდის
20:07 / 25-10-2018
ეთიოპიის პარლამენტმა, ქვეყნის ისტორიაში პირველად, ქალი პრეზიდენტი აირჩია. საჰლე-ვორკ ზევდესი გამოცდილი დიპლომატია და პრეზიდენტობამდე აფრიკულ კავშირში გაეროს წარმომადგენელი იყო. თავისი წარსულით, ხასიათის სიმტიკიცითა და თვისებებით, ის უკვე შეადარეს ინდოეთის ყოფილ პრემიერს ინდირა განდის...
მეორე ნაწილმა კი იმედი გამოთქვა, რომ ის არ დაემსგავსება ეთიოპიის ქალ იმპერატორს ზაუდიტუს, რომელიც ქვეყანას 1916-1930 წლებში მართავდა და რომელმაც მნიშვნელოვანი პოლიტიკური რეფორმების განხორციელება ვერ შეძლო. როგორც ცნობილია, ის 1984 წლის 31 ოქტომბერს საკუთარი დაცვის წევრებმა მოკლეს.
ინაუგურაციისას ეთიოპიის ახალმა პრეზიდენტმა ადამიანის უფლებების დაცვაზე, მშვიდობის შენარჩუნებასა და მის მნიშვნელობაზე ისაუბრა. ეთიოპიის პრემიერ-მინისტრმა ახალი პრეზიდენტის ინაუგურაციამდე ერთი კვირით ადრე მინისტრთა კაბინეტიც შეცვალა, რომელშიც ნახევარი ადგილი ქალებს უკავიათ.
ქვეყნის პრემიერ-მინისტრის კანცელარიის უფროსმა ფიტსუმ არეგამ აღმიშნა, რომ ეს არი საუკეთესო არჩევანი და "ეს არის ისტორიული მომენტი, როდესაც მმართველი ქალი იქნება, რომელმაც ძალიან რთული გზა გაიარა, განსაკუთრებით ადამიანის უფლებების დაცვისა და მშვიდობის შენარჩუნების კუთხით..."
პრეზიდენტობამდე საჰლე-ვორკ ზევდესი გაერო-ში სხვადასხვა პოსტებზე მუშაობდა. გაეროში მუშაობის წლებში მაღალი პოსტები ეჭირა აფრიკის ცენტრალურ აფრიკის რესპუბლიკებსა და ნაირობიში, ასევე იყო გაეროს გენერალური მდივნის ანტონიუ გუტერეშის სპეციალური წარმომადგენელი.
ზევდესი პრეზიდენტის პოსტზე 6 წლის განმავლობაში იქნება, თუმცა მას მეორე ვადით არ აირჩევენ. ცნობისთვის, ეთიოპიაში უფრო მეტ ძალაუფლებას პრემიერ-მინისტრი ფლობს.
ამის მიუხედავად ზევდესმა უკვე დასახა გარკვეული გეგმები, რა მიმართულებითაც ის პრეზიდენტობის წლებში აპირებს მუშაობას და ეს პირველ რიგში, ქალისა და მამაკაცის თანაბარ უფლებებს შეეხება.
"მინდა დეპუტატებს მივმართო - ქალთა უფლებები და ზოგადად, გენდერული თანასწორობა ქვეყნისთვის ძალიან მნიშვნელოვანია და ასევე მნიშვნელოვანია ამ საკითხში თქვენი პოზიცია და მხარდამჭერა. ჩვენ ქალთა უფლებების მიმართულებით მუშაობას მხოლოდ ახლა ვიწყებთ. ახალ კაბინეტში უნდა იყოს ქალის და მამაკაცის პარიტეტები. ამიტომაც არის ჩემს ქვეყანაში ქალი პრეზიდენტი ისტორიული ფაქტი და ეს შესაძლებობა უნდა გამოვიყენოთ... ასევე, მე ვიქნები იმ სამყაროს პრეზიდენტი, რომლისთვისაც მშვიდობა უმთავრესია" - განაცხადა მან ინაუგარაციზე სიტყვით გამოსვლისას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
