შსს-ს კომენტარი ე.წ. კანონიერი ქურდის მინდია ლავასოღლის დაკავებაზე
საქართველოს შინაგან საქმეთა სამინისტროში ადასტურებენ, რომ ე.წ. კანონიერი ქურდი მინდია გორაძე, იგივე "ლავასოღლი" დაკავებულია.
როგორც "ინტერპრესნიუსს" შსს-ში განუცხადეს, "ლავასოღლის" დაკავება თურქეთისა და საქართველოს სამართალდამცავი უწყებების ერთობლივი მუშაობის შედეგად მოხდა. "ლავასოღლი" თურქეთის ქალაქ ტრაბზონში აიყვანეს.
"რეიდის ფარგლებში გააჩერეს ავტომობილი, რომელშიც ინტერპოლის მიერ ძებნილი მინდია გორაძე აღმოჩნდა. მას თან ჰქონდა არარეგისტირებული ცეცხლსასროლი იარაღი", - იუწყება თურქული მედია.
მიმდინარე წლის ივლისში, სამართალდამცველებმა თბილისსა და აჭარის რეგიონში, "ქურდული სამყაროს" წევრობის და ქურდულ შეკრებაში მონაწილეობის ბრალდებით 10 პირი დააკავეს, "კანონიერ ქურდ" მინდია ლავასოღლის კი ბრალი დაუსწრებლად წარედგინა მასზე ძებნა ინტერპოლით იყო გამოცხადებული. გორაძე 36 წლისაა.
VIDEO: თურქეთში ე.წ. კანონიერი ქურდი მინდია გორაძე, იგივე “ლავასოღლი“ დააკავეს
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
