მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი ბიჭი, რომელიც ესპანეთის გმირი გახდა - 22 წლის ნიკო შერაზადიშვილის ისტორია
10:20 / 25-10-2018
22 წლის ნიკოლოზ შერაზადიშვილი ესპანეთში ნამდვილ ეროვნულ გმირად იქცა მას შემდეგ, რაც 24 სექტემბერს ბაქოში მიმდინარე ძიუდოს მსოფლიო ჩემპიონატზე ჩემპიონის ტიტული მოიპოვა. ქართველი ბიჭი წლებია ესპანეთის სახელით ასპარეზობს და ისტორიაშიც შევა, როგორც პირველი სპორტსმენი ესპანეთიდან, რომელიც ძიუდოში მსოფლიოს ჩემპიონი გახდა. ასეთ შედეგს მისი მწვრთნელი ქუინო რუიზიც არ ელოდა, რომელიც სიხარულს ვერ მალავდა.
ნიკოლოზ შერაზადიშვილი 1996 წლის 19 თებერვალს თბილისში დაიბადა. მისი მამა კარგად ცნობილი ძიუდოისტი - ზაზა შერაზადიშვილი, მეტსახელად "პაპუასა" იყო, რომელიც გასულ წელს სიმსივნით გარდაიცვალა.
საქართველოში ცხოვრებისას, პატარა ნიკო ძიუდოსა და წყალბურთში ვარჯიშობდა. 10 წლის წინ, შერაზადიშვილების ოჯახი ესპანეთში გადავიდა საცხოვრებლად. რადგან ნიკოლოზს კარიერის გაგრძელება ძიუდოში სურდა, მადრიდიდან დაახლოებით 35 კილომეტრში, პატარა ქალაქ ბრუნეტეს ძიუდოს სკოლაში შეიყვანეს. მისი მასწავლებელი და მთავარი მწვრთნელი ჯოაკინ რუისი გახდა, რომელსაც ოლიმპიადაზე სამჯერ ჰქონდა მონაწილეობა მიღებული. 190 სანტიმეტრი სიმაღლის სპორტსმენი 90 კგ წონით კატეგორიაში ასპარეზობს.
2014 წელს ნიკომ ესპანეთის მოქალაქეობა მიიღო და მაშინ დაიწყო მისი საერთაშორისო კარიერა ძიუდოში. იმავე წელს მსოფლიო ჩემპიონატზე 21-წლამდელთა შორის ვერცხლის მედალი მოიპოვა. იმ ტურნირზე საქართველოს სახელით ბექა ღვინიაშვილმა ბრინჯაოს მედალი მოიპოვა. ევროპის ჩემპიონატზე კი ბექა გამარჯვებული გახდა, ხოლო შერაზადიშვილი - ბრინჯაოს მედლის მფლობელი.
2015 წლის მსოფლიო ჩემპიონატზე შერაზადიშვილი 21-წლამდელთა შორის ვერცხლის მედლის მფლობელი გახდა, თუმცა მაშინ ფინალში უკვე ბექა ღვინიაშვილთან დამარცხდა. ვერცხლის მედლით დაასრულა 2016 წლის ევროპის ჩემპიონატი ახალგაზრდათა შორის.
ნიკოსთვის განსაკუთრებული 2018 წელი გამოდგა, როდესაც უკვე უფროსთა შორის თელ-ავივში, ევროპის ჩემპიონატზე ბრინჯაოს მედალი მოიპოვა. 24 სექტემბერს კი ბაქოში მიმდინარე ძიუდოს მსოფლიო ჩემპიონატზე მსოფლიო ჩემპიონის ტიტული მოიპოვა.
ამ გამარჯვების შემდეგ, ესპანეთის ქალაქმა ბრუნეტემ ნიკოლოზ შერაზადიშვილს მადლობა სასიამოვნო ჟესტით გადაუხადა - "ტატამის მეფისა" და "ძიუდოს ანგელოზის" პატივსაცემად გაიხსნა ქუჩა, რომელსაც "Niko Shera" ეწოდება.
"ბრუნეტე ამ აქტით ნიკოს პატივს მიაგებს. ჩვენ წლების მანძილზე ვხედავდით, როგორ იზრდებოდა ის, როგორც სპორტსმენი!" - განაცხადა ქალაქის მერმა ბორხა გუტიერესმა.
"ამას ვერასდროს წარმოვიდგენდი, რომ ესპანეთში ჩემი სახელობის ქუჩა იქნებოდა. როცა აქ ჩამოვედით, არც ესპანურს ვფლობდი და არაფერი ვიცოდი ესპანეთის შესახებ. ახლა ვსაუბრობ ესპანურად, ქართულად, ინგლისურად და რუსულად. ბრუნეტში გავატარე ჩემი პირადი და სპორტული ცხოვრების დიდი ნაწილი...
მე ვიცი, რომ საქართველოდან მოვდივარ და ეს არასოდეს უნდა დამავიწყდეს. მაგრამ აქ მე კომფორტულად ვგრძნობ თავს, ამაყი ვარ" - უთხრა ესპანურ სპორტულ გამოცემა as.com-ს შერაზადიშვილმა.
22 წლის სპორტსმენი გამართულად საუბრობს ქართულ და ესპანურ ენაზე, ჰყავს დედა, ძმა და საქართველოში ხშირად სტუმრობს ნათესავებს. ნიკო და მომღერალი ნინი ბადურაშვილი ნათესავები არიან და ნინის სოციალურ ქსელშიც აქვს გამოქვეყნებული ნიკოსთან ერთად გადაღებული ფოტოები.
ერთ-ერთ ფოტოზე ბადურაშვილი წერს: "ამაყი ნათესაობა და მსოფლიო ჩემპიონი ნიკო", მეორე ფოტოზე კი შერაზადიშვილი ნინის შვილთან, ელენესთან ერთად არის ასახული.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
