მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ეხმაურებიან "ფეისბუქზე" ბიძინა ივანიშვილის ინტერვიუს
12:17 / 24-10-2018
ბიძინა ივანიშვილის სატელევიზიო ინტერვიუს სოციალურ ქსელში აქტიურად განიხილავენ. "ფეისბუქის" მომხმარებლების ნაწილი ექს-პრემიერის განცხადებებმა, ნაწილი - ჟურნალისტების კითხვებმა, ან ექს-პრემიერის განცხადებებზე მათმა რეაქციებმა აღაშფოთა.
გთავაზობთ რამდენიმე საჯარო პოსტს, რომელიც სოციალურ ქსელში ივანიშვილის ინტერვიუს შესახებ დაიწერა.
მერაბ მეტრეველი, ჟურნალისტი:
"ბატონო ბიძინა, ნაცების დროსაც რომ გამოგვერთო "მაესტრო" და "კავკასია" ქვეყანაში აღმავლობისა და აღმშენებლობის მეტს ვერაფერს ნახავდით. სულ გუგუნი გაუდიოდა ქვეყანას"
გოგი გვახარია, კინომცოდნე, ჟურნალისტი:
"ვიღაც გაბიანმა რომ თქვა ადრე გახსოვთ? ბენზინის ფული ხო ქონდა თავი რომ მოიკლაო.. რა ამბავი ატყდა
ქვეყნის ფორმალურმა დირექტორმა, მენეჯმენტი რომ "კანიოკი" აქვს, გვითხრა, ღარიბები რომ ხართ თქვენი ბრალია (და რუსთავი-2-ის), ამიტომ ნუ გშურთ ფარცხალაძისო. ეს იყო ყველაზე შემზარავი ნაწილი მაგ ინტერვიუში. და კიდევ უფრო შემზარავი ისაა, რომ ამის შემდეგ "ცხოვრება გრძელდება". და, სამწუხაროდ, ასე გაგრძელდება კიდევ"
ხათუნა ლაგაზიძე, ექსპერტი:
"რეალობიდან გასვლა და ასეთი?! უფრო სწორად, მას თავისი რეალობა აქვს, ხალხის ნაწილს - თავისი. დაადასტურა, რომ ყველაფერს რაც ქვეყანაში ხდება და ზოგს მოსწონს და ზოგს - არა, მისგან აქვს მწვანე ანთებული. ჰოდა, ვინც მის რეალობას არ მიიღებს, იმას მაქსიმუმ ერთ წელში დააყენებენ სწორ გზაზე - ან აუხელენ ან დაუხუჭავენ თვალებს. მე კითხვები აღარ მაქვს. აბსოლუტურად ამომწურავი ინტერვიუ მოვისმინე".
არჩილ გამზარდია, ექსპერტი:
"1. მთავრობა კარგია 2. სახელმწიფო აშენდა 3. მედია ამახინჯებს ყველაფერს 4. ხალხი რეგვენია და ვერ ხვდება რომ ბედნიერია 5. ყველაფერი კრიტიკული მედიის ბრალია, თუ მედია არ იქნება, ყველა დარჩება გაღიმებული.
ეს იყო სულ. ასე ფიქრობდა მიშაც და ერთი ერთში ჯდება ადრინდელი ნაციონალური მოძრაობისა და ქართული ოცნების იდეოლოგიები. აღარ გვესროლოთ, მოგვაშორეთ ეს მეტეორი"
ოთო კახიძე, "ევროპული საქართველო"
"ღარიბებმა ძაან ტვინი ნუ შეჭამეთ. აგერ ოთარ ფარცხალაძეც არ იყო შეძლებული კაცი და სოსო გოგაშვილი მთლად სოციალურად დაუცველთა შემწეობას იღებდა, მაგრამ ვერ მოხოდეს ბიზნესი და ვერ აიწყეს ცხოვრება? ჰოდა, გაანძრიეთ ცოტა ხელი თქვენც! არც ისე გიჭირთ, როგორც წუწუნებთ!
P.S. მადლობა ბატონ ბიძინას, რომ ცოტა ხნით მაინც გამოგვიყვანა სიცრუის ტყვეობიდან და აგვიხილა თვალი"
VIDEO: ბიძინა ივანიშვილის 3 გამოხედვა ეკა კვესიტაძის მიმართ კამათის შემდეგ
რატი ამაღლობელი, პოეტი:
"არაფერია იმაზე გულსაკლავი, სევდიანი და ქანც-გამომცლელი, როდესაც მონას უყურებ და ეს მონობა არა უპირობო და გარდაუვალი მოცემულობა, არამედ მონათა ყოველდღიური, პირადი არჩევანია. არჩევანი - დარჩე ტყვეობაში, ვიწრო, პირადი კონტექსტის, გამოწვდილი "კარმუშკის" და ზომბივით ამართლო ბელადის ბოდვა - იწვევს მათ მიმართ არა აგრესიას და ზიზღს, არამედ საცოდაობისა და აპათიურობის განცდას. უმრავლესობა მწყობრი ნაბიჯით მიდის პოლიტიკური (და არამარტო პოლიტიკური) თვითლიკვიდაციისკენ და ეს ძალიან სევდიანი საყურებელია".
თამუნა ლეფსვერიძე, ჟურნალისტი:
"ყველაზე მაგარი დეტალი ის იყო, ეკა კვესიტაძე დიანას რომ ეცა, მემუქრება ბიძინა და რეაქცია იქონიეო, სადაა თქვენი ჟურნალისტური სოლიდარობაო. 2007 წელს, "იმედში", 9 თვის ფეხმძიმე დიანა ტრაპაიძე რომ იატაკზე გააწვინა იმ სპეცრაზმა, რომლის უფროსის მოადგილე ეკას ქმარი იყო, რა დამავიწყებს ეკა როგორ იდგა "იმედის" ჭიშკართან დიანას მხარდასაჭერად...
წავედი, რამე კაი კინოს ვუყურო, ეს ფილმი უკვე ნანახი მაქვს და ბოდიში ყველასთან, ვინც მიკრძალავთ უახლესი ისტორიის გახსენებას! ცივი წყალი დალიეთ!"
სანდრო გვინდაძე, ბლოგერი:
"ბარემ მეც მოგიყვებით საოცარ ამბავს: დღეს დილით გავიაზრე ჩემი ყველა პრობლემის სათავე სადაც იმალებოდა. რუსთავი 2 გამოვრთე და უცებ ზედმეტი 10 კილო მომშორდა, ჩემს ხელფასს ეგრევე ერთი ნოლი მიემატა, სამსახურში თითქმის საცობების გარეშე მოვედი, 1 პატარა საცობი იყო - თბილისელი სომეხი გეიები გეი-აღლუმს მართავდნენ, ნეონაცისტები და პოლიციელები კი მათ მხარდაჭერის ნიშნად ყვავილებს ესროდნენ.
ტაქსისტმა სამად მომიყვანა, ბენზინი ისეთი იაფია, მეტს ვერ გამოგართმევ, უნამუსობააო. ხვალ დეი ოფის აღებას ვგეგმავ და ჩარტერული რეისით სოხუმში გადავფრინდ-გადმოვფრინდები. ახლა მთავარია, სადმე შემთხვევით რუსთავი ორი არ დამხვდეს ჩართული და ყველაფერი კარგად იქნება. მადლობა ჩვენი ერის სულიერ მამას და გურუს"
ლევან ნაჭყებია:
"ბიძინა/კვესიტაძე VS მანჩესეტერი/იუვენტუსი?"
შოთა დიღმელაშვილი, ტელეწამყვანი:
"სახალისოა იმის გაცნობიერება, რომ არავინ ისე არ ლანძღავს ახლა ბიძინას, როგორც ოცნების პარტაქტივი. საბრალო აკრობატებს "ჩერეზ ნე მაგუ" სასიკვდილო ნომრების ჩვენება მოუწევთ ამ ყველაფრის გასაპრავებლად. there will be blood. როგორც ქვეყნის მენულე პირი ეტყოდა იმედის ჩამოსხმის ჟურნალისტს - "კარგია, კარგია"
თაკო ჩარკვიანი, პუბლიცისტი:
"დავიჯერო ეს ინტელექტიღა დარჩა, ამ დიდი კულტურის ქვეყანაში?! (ცხადია ივანიშვილს ვგულისხმობ) სამწუხაროა!
შეგახსენებთ, ყოფილმა პრემიერმა, "ქართული ოცნების" თავმჯდომარემ ბიძინა ივანიშვილმა 23 ოქტომბერს სამი ტელეკომპანიის ჟურნალისტებთან პირისპირ შეხვედრისას სხვადასხვა თემაზე ისაუბრა. მათ შორის, ბოლო პერიოდში გავრცელებულ აუდიოჩანაწერებზე, ოთარ ფარცხალაძეზე, მიხეილ სააკაშვილზე, მარიხუანას კულტივაციის საკითხზე, ასევე პაატა ბურჭულაძეზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
