მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა კავშირია მოკლულ ჯამალ ხაშოგსა და პრინცესა დაიანას შორის
14:12 / 23-10-2018
ოქტომბრის დასაწყისში საუდელი ჟურნალისტი ჯამალ ხაშოგი სტამბოლში, საკუთარი ქვეყნის საკონსულოში შევიდა, რათა განქორწინების დამადასტურებელი დოკუმენტი აეღო. ხაშოგი თურქ საცოლეზე დაქორწინებას გეგმავდა. საკონსულოში შესვლის შემდეგ ჟურნალისტი გაუჩინარდა.
თურქი სამართალდამცველები ამბობენ, რომ აქვთ აუდიო და ვიდეომასალა, სადაც ხაშოგის წამებით სიკვდილია გადაღებული. ასევე, ჩანს, როგორ დაანაწევრა მისი სხეული საუდის არაბეთიდან ჩასულმა 15 კაციანმა გუნდმა.
ბრიტანულმა მედიამ გაარკვია, რომ პრინცესა დაიანას მეგობარი მამაკაცი, დოდი ალ ფაიედი ხაშოგის მამიდაშვილი იყო.
ფაიედი ეგვიპტეში, ალექსანდრიაში დაიბადა. მისი დედა სამირა ხაშოგი იყო, საუდელი მილიარდერის - ადნან ხაშოგის და. ადნანი ჯამალის მამა იყო.
დაიანამ და ფაიედმა ერთმანეთი 1986 წელს გაიცნეს, დოღზე. იმ დროისთვის დაიანა ჯერ კიდევ პრინც ჩარლზზე იყო დაქორწინებული. მოგვიანებით დაიანასა და ფაიედს ერთმანეთი შეუყვარდათ, 1997 წელს წყვილი კოცნის დროს გადაიღეს. პრინცესა საყვარელ მამაკაცზე დაქორწინებასაც გეგმავდა.
პრინცესა და მისი საყვარელი მამაკაცი ერთად გარდაიცვალნენ პარიზში, ავტოკატასტროფის შედეგად.
როგორც აღმოჩნდა, გარკვეული კავშირი წლების წინ ტრამპსა და ჯამალ ხაშოგის ოჯახს შორისაც არსებობდა - Express წერს, რომ 1987 წელს დონალდ ტრამპმა ადნან ხაშოგის იახტა 22.8 მლნ ფუნტად შეიძინა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
