9
ივნისიდღის ზოგადი ასტროლოგიური პროგნოზი
აშშ-ს სპეცსამსახურები იმ აზრისკენ იხრებიან, რომ The Washington Post-ის ჟურნალისტის ჯამალ ხაშოგი მკვლელობაში საუდის არაბეთის მემკვიდრე პრინცი მუჰამედ იბნ სალმანია გარეული. ამის შესახებ გამოცემა The New York Times წერს.
გამოცემის წყაროების ინფორმაციით, აშშ-ს სადაზვერვო სამსახურებს ჯერ მკვლელობასთან მემკვიდრე პრინცის კავშირის დამადასტურებელი პირდაპირი მტკიცებულებები არ აქვთ, მაგრამ „უკვე დაუგროვდათ საკმაო რაოდენობის ირიბი მტკიცებულებები“. დაზვერვის მიერ მოპოვებული ინფორმაციის თანახმად, საუდელი ოფიციალური პირები ჟურნალისტის დაკავების გეგმას განიხილავდნენ. პრინცის მიმართ ეჭვებს აძლიერებს ის ფაქტიც, რომ ხაშოგის გაუჩინარებაში ეჭვმიტანილ პირებს შორის მისი დაცვის წევრებიც არიან.
The New York Times-ის ინფორმაციით, „ამერიკულმა მხარემ ჯერ ვერ გააკეთა დასკვნა, გასცა თუ არა პრინცმა მუჰამედმა პირდაპირი ბრძანება ხაშოგის მკვლელობის შესახებ, თუ მას ჟურნალისტის დაკავება და საუდის არაბეთში იძულებით დაბრუნება სურდა“.
წარმოშობით საუდელი ჟურნალისტი ჯამალ ხაშოგი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. მიმდინარე წლის 2 ოქტომბერს ის სტამბოლში, საუდის არაბეთის გენერალურ საკონსულოში მივიდა, იმის შემდეგ რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს.
ხაშოგი საკონსულოში საცოლესთან ერთად მივიდა, თუმცა ის შენობაში არ შეუშვეს. შესვლიდან 5 საათის შემდეგ საკონსულოში ჟურნალისტის საცოლეს განუცხადეს, რომ ხაშოგი უკვე წავიდა. ჟურნალისტის ოჯახი და მეგობრები ვარაუდობენ, რომ ჯამალ ხაშოგი საუდის არაბეთის საკონსულოშია მოკლული.
