მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბნელი ტიპის შთაბეჭდილებას არ ტოვებდა..." - რას ყვება მირზა სუბელიანზე ყოფილი თანამშრომელი და რა ინფორმაციას შეიძლება ფლობდეს ბრალდებული
12:23 / 16-10-2018
სკანდალური "აღსარება", რომელშიც სავარაუდოდ პროკურატურის ყოფილი მაღალჩინოსანი მირზა სუბელიანი ამბობს, რომ გაურიგდა ხელისუფლებას და საკუთარი ნებით ჩაჯდა ციხეში, თუმცა ხელისუფლებამ ერთგულება ვერ დაუფასა, მთავრობის, ოპოზიციის, არასამთავრობო სექტორისა და ექსპერტების განხილვის მთავარი თემაა.
ჩანაწერში სავარაუდოდ, სუბელიანი საუბრობს ვანო მერაბიშვილის საკნიდან გაყვანის ფაქტზე, იმაზე, თუ როგორ იღებდნენ სასურველ ჩვენებებს ძალადობრივი გზით სხვადასხვა გახმაურებულ საქმესთან დაკავშირებით, მათ შორის - ბუნტის საქმის, ნავთლუღის სპეცოპერაციის, ხარძიანის მკვლელობის საქმეებზე და ა.შ.
მირზა სუბელიანი „ნაციონალური მოძრაობის“ დროს მაღალ თანამდებობებზე მუშაობდა. ხელისუფლებაში "ოცნების" მოსვლის შემდეგ კი, ის სოზარ სუბარმა დააწინაურა და სასჯელაღსრულების სისტემაში გენერალური ინსპექციის უფროსად დანიშნა.
ამავე უწყების ერთ-ერთი ყოფილი თანამშრომელი, რომელიც AMBEBI.GE-ს ანონიმურობის დაცვის გარანტიით ესაუბრა, არ გამორიცხავს, რომ სუბელიანი შესაძლოა მართლაც იყოს მნიშვნელოვანი ინფორმაციის მატარებელი. მაგრამ არც იმას გამორიცხავს, რომ ჩანაწერში გაჟღერებული ზოგიერთი ფაქტი, აშკარად გაზვიადებულია.
იხილეთ ვიდეო: "ორი ჩანაწერი უნდა და "ოცნება" აღარ იქნებით დამიჯერე..."
ვინ არის მირზა სუბელიანი და რა შეიძლება აკავშირებდეს მას თეთრაძისა და ციხის ბუნტის საქმეებთან - ამასთან დაკავშირებით AMBEBI.GE-ს სასჯელაღსრულების სამინისტროს ყოფილი თანამშრომელი ესაუბრა, რომელიც გარკვეული პერიოდი მირზა სუბელიანთან ერთად მუშაობდა უწყებაში და მას ძალიან კარგად იცნობს.
"მირზა სუბელიანი ძალიან ბევრს ამბობს და ყველა ეპიზოდი არ მგონია მართალი იყოს. რაღაცებში შეიძლება დაფიქრება, რაღაცები კი გაზვიადებული მგონია. მაგალითად, "50-კაციანი ბანდა", ზღაპარია (ჩანაწერის მიხედვით, სუბელიანს ჰყავდა 50-კაციანი შეიარაღებული დაჯგუფება, რომელიც ბინძურ საქმეებს ასრულებდა. ავტ.) ასევე წარმოუდგნელად მიმაჩნია წამებით მიღებული ჩვენებები.
რაც შეეხება ეკა ბესელიას (სუბელიანი ამბობს, რომ ეკა ბესელიასა და უდოს კომისიის ურთიერთობებზეც აქვს ინფორმაცია და ამ თემაზე დაკითხულიც იყო), მასთან დაკავშირებით ბევრჯერ იყო საუბარი, რამდენჯერმე ითქვა, რომ უდოს კომისიაში, სოზარ სუბარის პირველ მოადგილესთან გიგა გიორგაძესთან ერთად თავის ინტერესებს ატარებდა.
- რაც შეეხება, ნავთლუღისა და ციხის ბუნტის საქმეებს, ამაზე არაფერი გსმენიათ?
- ძალადობის შესახებ არაფერი მსმენია. ვანო მერაბიშვილი რომ გაიყვანეს, ეს ზუსტად ვიცი და სწორედ ამის და პრემიების გამო დავტოვე სამსახური და წამებაზე რომ მცოდნოდა, მანდ საერთოდ არც გავჩერდებოდი!
იხილეთ ვიდეო: "ორი ჩანაწერი უნდა და "ოცნება" აღარ იქნებით დამიჯერე..."
- როგორ ფიქრობთ, რამდენად ფლობს მირზა სუბელიანი მნიშვნელოვან ინფორმაციებს, რაზეც ჩანაწერშია საუბარი?
- მე რომ არ გამიგია, არ ნიშნავს, რომ არ უნდა გამოიძიონ. ვფიქრობ, პროკურატურა ამ საკითხებით აუცილებლად უნდა დაინტერესდეს... ის ფლობს ინფორმაციას ვანო მერაბიშვილთან დაკავშირებით, უდოს კომისიასთან დაკავშირებით და ზოგადად, ძალიან ბევრი ინფორმაციის მატარებელია, ამიტომაც ამ გაგებით „ოცნებისთვის“ ანგარიშგასაწევი ფიგურაა. გენერალური ინსპექციის უფროსი იყო და ბუნებრივია იქაური ინფორმაციით იქნება აღჭურვილი...
- ჩანაწერში სუბელიანი რამდენჯერმე ახსენებს "ცხონებულ გიორგის" და ვის გულისხმობს ამაში?
- წარმოდგენა არ მაქვს. მან ბევრი ისეთი რამე თქვა, რაც ნამდვილად არ ვიცი.
ჩანაწერში კიდევ არის ერთი პასაჟი, რომელსაც არავინ მიაქცია ყურადღება. მესამე ადამიანი, ვინც ჩანაწერში ფიგურირებს - ცუხიშვილი, ის იყო ერთ-ერთი მონაწილე ვანო მერაბიშვილის გაყვანის. ეგ ტიპი არის პირდაპირ დასაკითხი. თავის დროზე გენინსპექციაში მუშაობდა მირზა სუბელიანთან ერთად და მერე გადავიდა დევნილთა სამინისტროში.
- როგორც ცნობილია, მირზა სუბელიანი სხვადასხვა თანამდებობაზე „ნაციონალური მოძრაობის“ დროსაც მუშაობდა. ამბობენ, რომ 26 მაისის დარბევაზე პასუხისმგებლობა მასაც ეკისრება?
- „ნაციონალების“ დროს მუშაობდა პროკურატურაში მაღალ თანამდებობაზე. თუ არ ვცდები, ქვემო ქართლის თუ შიდა ქართლის სამხარეო პროკურორი იყო. შემდეგ „ოცნებამ“ შეინარჩუნა და მანდაც მაღალ პოზიციაზე დატოვა. 26 მაისთან დაკავშირებით არაფერი გამიგია, მაგრამ ცხადია, ანგელოზი არ იყო და კარგ რაღაცეებს არ აკეთებდა. თავიდან რომ გავიცანი, დისტანცია მეჭირა, რადგან სისტემის თანამშრომელი იყო. ურთიერთობაში კი ნორმალურია. ბნელი ტიპის შთაბეჭდილებას არ ტოვებდა. კომუნიკაბელური ტიპი იყო და თავის საქმეს აკეთებდა. სამინისტროში ის უშუალოდ სოზარ სუბარმა მიიყვანა.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
