ტოპ 3 ზამთრის კონსერვის რეცეპტი, რომელიც ახლა უნდა გააკეთოთ

ზაფხულში და შემოდგომაზე ბევრი დიასახლისი იწყებს მზადებას ზამთრისთვის. გთავაზობთ 3 მარინადის რეცეპტს, რომელიც აუცილებლად უნდა მოამზადოთ.

1) კიტრის მწნილი - ოჯახის ყველა წევრისთვის საყვარელი საჭმელია. ამასთან ერთად, ის აუცილებელია სხვადასხვა სალათის მოსამზადებლადაც - განსაკუთრებით კი "ოლივიესთვის", რომელიც ქართული საახალწლო სუფრის განუყრელი ნაწილია. ჩვენ მოგიმზადეთ კიტრის მწნილის განსხვავებული რეცეპტი:

ინგრედიენტები:

კიტრი;

მწარე წიწაკა;

ნიორი;

კამა, ნიახური;

ტარხუნა;

პირშუშხა;

პირშუშხას ძირები;

მარილი;

მომზადება:

გააჩერეთ კიტრი 3-4 საათი ცივ წყალში, შემდეგ კი დაუმატეთ მარილი ( 1 კგ 10 ლიტრზე). დაჭერით მწვანილი, წიწაკა, ნიორი და ჩაყარეთ ქილაში, დაუმატეთ კიტრი და ზემოდან კვლავ მწვანილი დააფარეთ. ქილაში ჩაასხით ადუღებული წყალი და გააჩერეთ 15 წუთი, შემდეგ წყალი გადააქციეთ, ქილაში კი ჩაყარეთ მარილი, შაქარი, ლიმონმჟავა (სწორედ მისი მეშვეობით მწნილი გამოდის ხრაშუნა და არ რბილდება), თავიდან დაასხით მდუღარე და მაშინვე მოხუფეთ ან დაახურეთ ხრახნიანი ხუფი.

თუ დამჟავება გეჩქარებათ, შეგიძლიათ დაამატოთ 1 ლიტრიან ჭურჭელზე 1 სუფრის კოვზი ძმარი. ქილა ამოაბრუნეთ და შეფუთეთ თბილად გაციებამდე. მწნილი მზად იქნება 3-4 დღეში.

2) აჯიკა - უნივერსალური მეგრული სოუსია, რომელიც თითქმის ყველას უყვარს. ის კარგად ეხამება ნებისმიერ კერძს და სუფრის მრავალფეროვნების ნაწილია.

ინგრედიენტები:

გრძელი წითელი წიწაკა, ცხარე- დაახლოებით 40 ცალი ნიორი - 3 თავი ქინძის თესლი - 2 ს.კ კამის თესლი - 1 ს.კ ხმელი სუნელი - 1 ს.კ მარილი ღერღილი - 2 ს.კ.

მომზადება:

წიწაკა გარეცხეთ და გააშრეთ. თესლები მოხალეთ მშრალ ტაფაზე, შემდეგ დაფქვით ან დანაყეთ. ნიორი გაარჩიეთ, წიწაკას მოაცალეთ თესლი და ყუნწები. ორივე გაატარეთ ხორცსაკეპში ან ბლენდერში, რათა აქციოთ ერთიან მასად. დაამატეთ სუნელები, მარილი და მშრალად მოხალული ღერღილი. ღერღილი საჭიროა იმისთვის, რომ შემდგომში აჯიკის გაშვებული ზედმეტი სითხე შეიწოვოს. გამოდის დაახლოებით 950 მლ განაგრძეთ კითხვა