მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოში, მგონია, ზღაპარი აღმოვაჩინე..." - გაიცანით იაპონელი გოგონა, რომელსაც ქართული კაბა აცვია და აჭარულ ხაჭაპურებს აცხობს
10:51 / 15-10-2018
იაპონიაში, ტოკიოში მცხოვრებმა ნაოკო ტაჩიბანამ ერთ დღეს "ტვიტერზე" "სამოსელი პირველის" მიერ შექმნილი ქართული სამოსი აღმოაჩინა, რითაც მოიხიბლა და დაინტერესდა, რომელ ქვეყანას ეკუთნოდა ტანსაცმელი. ასე აღმოაჩინა ტოკიოელმა ფოტოგრაფმა გოგონამ საქართველო და მას შემდეგ ჩვენს ქვეყანას უკვე მეოთხედ ესტუმრა.
ნაოკო ტაჩიბანა "ტვიტერზე" ცნობილია, როგორც საქართველოზე "შეყვარებული დეიდა" და სოციალურ ქსელში ყოველდღიურად ჩვენი ქვეყნის შესახებ ინფორმაციას ავრცელებს. AMBEBI.GE-სთან საუბარში წუხს, რომ ძალიან ჭირს იაპოურ ენაზე საქართველოზე ინფორმაციის მოპოვება. ამასთან, ჩვენი ქვეყნით დაინტერესებული იაპონელების კლუბი შექმნა, სადაც სხვადასხვა ღონისძიებას ატარებს. აქტიურად თანამშრომლობს იაპონიაში საქართველოს საელჩოსთანაც, თბილისში კი იაპონური ენისა და კულტურის ცენტრთან, რომლის საშუალებითაც გავიცანით კიდეც ეს იაპონელი გოგონა.
ცენტრის წარმომადგენელი ნინო ჭანტურია გვეუბნება, ნაოკოს მიერ ტოკიოში მოწყობილი ღონისძიებები ქართულ სამზარეულოს, ქართულ ღვინოს, თბილისის ფოტოსურათების გამოფენას ეთმობა. ღონისძიებებზე, რომელსაც ტოკიოში ატარებს, იაპონელ გოგონას ქართული კაბა აცვია, ამზადებს ქართულ კერძებს და სტუმრებს ასე უმასპინძლდება.
ნაოკოს ქართველი მასპინძლები გვეუბნებიან, რომ გოგონას უკვე ისე უყვარს საქართველო, სადაც მიჰყავთ, ყველაგან სიხარულისგან ტირის, ასეთი რამ ცხოვრებაში არ მინახავსო. ნაოკო ამჟამად მუშაობს, რომ ტოკიოში ქართული რესტორანი გახსნას, რადგანაც აქამდე იქ ქართული რესტორანი არ არსებობდა.
ნაოკო ტაჩიბანა, იაპონელი ფოტოგრაფი:
"თქვენს ქვეყანაზე თავიდანვე ისეთი შთაბეჭდილება შემექნა, გეგონება რაღაც ზღაპარი აღმოვაჩინე და იქ მოვხვდი. ეს ისტორიული სამოსი ხომ სულ საოცრებაა! რეალური არ მეგონა, ვერ წარმომედგინა, თუ შეიძლებოდა ის სცმოდათ. ქართველები იმდენად ლამაზები ხართ და ტანზე ისე კარგად ირგებთ, რომ ვოცდები. მგონია, როგორც თქვენ, ის სხვა ეროვნების ადამიანს არ მოერგება.
ეროვნული სამოსის დღეზე სპეციალურად ჩამოვედი და ჩემი კიმონოთი დავესწარი, მაგრამ როდესაც ქართული ტანსაცმელი ჩავიცვი, რაღაც ძალიან ამაყი ქალბატონი გავხდი, ძალიან ძვირფასი შთაბეჭდილება დამიტოვა და არა მარტო ტანსაცმელმა, ისტორიამაც, რაც ამ ყველაფერს მოჰყვა.
ნაოკოს გულზე წმინდა ნინოს ჯვარი ჰკიდია, როდესაც ვეკითხები, რატომ, როცა ის ქრისტიანი არ არის, მპასუხობს:
"ქრისტიანი არ ვარ, მაგრამ როდესაც ჯვარზე ავედი და იქიდან მცხეთას გადმოვხედე, დავინახე ორი მდინარის შეერთება, ეკლესიები - უნებლიედ ავტირდი, ძალიან კარგად ვგრძნობ თქვენს რელიგიას, მაგრამ სამწუხაროდ, ჯერ ქრისტიანი არ ვარ... ჯვარს კი ამ ყველაფრის ნიშნად ვატარებ, ამასთან, პირველი ქართველი, ვინც ვნახე და გავესაუბრე, ნინო ჭანტურია იყო... ესეც სიმბოლური იყო. აი, ერთ ფრჩხილზე წმინდა ნინოს ხატი მაქვს დახატული, მეორეზე - საქართველოს დროშა. მჯერა, როდესაც საქართველოში ვიქნები, წმინდა ნინო დამიცავს.
მერე ქართული ჯვრისა და ვაზის შესახებ ძალიან ბევრი ისტორია მოვისმინე. მომწონს საგალობელი - "შენ ხარ ვენახი". როდესაც საქართველოს ისტორიას ვეცნობოდი, ისეთი გრძნობა მქონდა, რომ ძალიან ჰგავს იაპონიას, იმიტომ, რომ საქართველოც პატარა ქვეყანაა, მის გარშემო ბევრი სხვა ქვეყანაა განლაგებული, რომელიც ამ პატარა ქვეყანას სხვა თვალით უყურებს და ცდილობს, მისგან საუკეთესო მიითვისოს...
საქართველო ასე იმიტომ შემიყვარდა, რომ ამაყი ხალხი ჰყავს, ის ხალხი, რომელიც ამბობს, რომ მე მიყვარს საქართველო და საქართველოს დავიცავ, ესეც მომწონს და აღმაფრთოვანებს! ისიც ძალიან მიხარია, რომ ჩვენს შორის ასეთი საუბარი შედგა...
როდესაც თქვენს კერძებს გავეცანი, ცოტა გაუგებარი იყო, მაგრამ გემო რომ გავუსინჯე, მოვიხიბლე. მომწონს ხინკალი, ძალიან შემიყვარდა ხაჭაპური, მაგრამ იაპონიაში ვერ ვაკეთებ, რადგანაც ქართული ყველი არ გვაქვს. თუმცა გულის ფორმის აჭარული ხაჭაპური მაინც გამოვაცხე.
ქართული რეცეპტით ამა თუ იმ ფხალსაც ვამზადებ, რაც იქ ძალიან მოსწონთ და პოპულარობით სარგებლობს. მეგობრებიც აქტიურად მეხმარებიან. ისინი ამ მიმართულებით ხომ მე დავაინტერესე? ასე რომ, ვიცვამთ ქართულ სამოსს, ვამზადებთ ქართულ კერძებს, ვსვამთ ქართულ ღვინოს და ვსაუბრობთ საქართველოზე", - ემოციურად გვიყვება ნაოკო.
იაპონელი ფოტოგრაფის ოცნებაა საქართველოსა და იაპონიას შორის პირდაპირი ფრენა დაინიშნოს, მანამდე კი ეცდება, რაც შეიძლება ბევრი იაპონელი დააინტერესოს ქართული კულტურით, სამზარეულოთი, ისტორიით. მიუხედავად იმისა, რომ იაპონელი შეყვარებული ჰყავს, ქართული ოჯახი მისთვის იდეალურია:
"ადრე იაპონელებიც ასე ვცხოვრობდით. ჩვენი ოჯახების წყობა ერთმანეთს ჰგავდა, მაგრამ ცხოვრების რიტმის გამო ბევრი რამ დავკარგეთ, ისეთი სითბო აღარ არის, როგორც ადრე გვქონდა", - ამბობს ნაოკო ტაჩიბანა და უხარია, რომ საქართველოთი შეყვარებულიც დააინტერესა. გვეუბნება, რომ შემდეგ ჯერზე მასაც აუცილებლად ჩამოიყვანს...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
