მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჯულია რობერტსი 51 წლის ხდება და მისი ფოტოსესია გაგაოგნებთ - "ლამაზმანი" კვლავ შეუდარებელია
10:41 / 15-10-2018
ჯულია რობერტსი რამდენიმე დღეში 51 წლის ხდება და ის ძველებურად გამაოგნებლად გამოიყურება. იუბილესთან დაკავშირებით მსახიობმა გამოცემისთვის Harper's Bazaar იპოზიორა. ჯამბატისტა ვალის ვარდისფერ კაბასა და „დიორის“ ბოტასებში ოსკაროსანი ვარსკვლავი შეუდარებელია.
ჟურნალში დაიბეჭდა მისი ინტერვიუ, ჟურნალისტის ამპლუაში კი ოპრა უინფრია, რომელმაც ჯულიას შვილების, სოციალური მედიისა და სხვა საკითხების შესახებ დაუსვა კითხვები. ფოტოების ავტორი ალექსი ლუბომირსკია - ფოტოგრაფი, რომელმაც პრინცი ჰარისა და მეგან მარკლის ნიშნობის სესია გადაიღო. Harper's Bazaar-ის ფოტოებზე რობერტსი კლდეზე მიცოცავს.
იმის მიუხედავად, რომ შესანიშნავად გამოიყურება, მსახიობი ამბობს, რომ წაიკითხა კრიტიკოსების არაკორექტული კომენტარები, როგორ შესამჩნევად არის დაბერებული და ჯულიას თქმით, მისთვის ეს მტკივნეულია.
ოპრასთან საუბრისას რობერტსი ამბობს, რომ გაოგნებულია ხალხის ბოროტი პოსტებით სოციალურ ქსელებში. კონკრეტულ მაგალითად კი მოიყვანა ძმიშვილის, ემა რობერტსის მიერ სოცქსელში განთავსებული ფოტო.
„ერთ დილას მე და ემა ვსვამდით ჩაის, ვთამაშობდით კარტს, ლამაზი დღე იყო... რამდენიმე დღის შემდეგ მან ჩვენი სურათი ინტერნეტში გააზიარა. უამრავმა ადამიანმა ჩათვალა საჭიროდ დაეწერა, როგორ საშინლად გამოვიყურებოდი ფოტოზე, რომ ვგავდი კაცს, დავბერდი...
ძალიან გამაკვირვა ჩემმა რეაქციამ. 50 წლის ქალი ვარ და საკუთარი თავს ძალიან კარგად ვიცნობ. ამის მიუხედავად, კომენტარები მტკივნეული აღმოჩნდა. ძალიან მწყინს, რომ ხალხმა ვერ დაინახა სურათზე სითბო და მხიარულება,“ - ამბობს ჯულია.
მან ასევე ისაუბრა შვილებზე 13 წლის ტყუპებზე - ჰეიზელსა და ფინეუსზე და 11 წლის ჰენრიზე. მსახიობი ამბობს, რომ ბავშვებს დედის პოპულარობა არც კი აქვთ გააზრებული.
„თავიდან, როდესაც ამ საკითხით დაინტერესდნენ, მკითხეს - „პოპულარული ხარ?“ ვუპასუხე, რომ ბევრ ადამიანს ჰქონდა ნანახი ფილმები, სადაც მე ვმონაწილეობ და იციან, ვინ ვარ. დაახლოებით ერთი საათის შემდეგ მეკითხებიან - „შენ უფრო პოპულარული ხარ თუ ტეილორ სვიფტი?“
მსახიობმა პოლიტიკაზეც ისაუბრა და აღნიშნა, რომ მთელი ოჯახი საპრეზიდენტო არჩევნებში ჰილარი კლინტონს უჭერდა მხარს. პოლიტიკური პროცესებით ბავშვებიც იყვნენ დაინტერესებული და როდესაც ტრამპმა გაიმარჯვა, ჰეიზელზე მშობლების იმედგაცრუებამ ფსიქოლოგიურად იმოქმედა.
„იმ მომენტში მივხვდი, რომ მას სჭირდებოდა ჩემგან გამხნევება, რომ მისი ხმა ჯერ კიდევ რამეს ნიშნავდა. ამიტომაც შევუერთდით ქალების მარშს ვაშინგტონში. მინდოდა, სცოდნოდა, რომ მას აქვს ადგილი დედამიწაზე, უნდა სჯეროდეს კვლავ იმის, რისაც აქამდე სჯეროდა, იმ შემთხვევაშიც კი, თუ სხვა ადამიანი გახდა პრეზიდენტი".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
