ქეითი, მეგანი, უილიამი და ჰარი ბიძაშვილის ჯვრისწერაზე - სამეფო ოჯახი ეკლესიაში უკვე შეიკრიბა

რამდენიმე წუთში ბრიტანელი პრინცესა იუჯინი საყვარელ მამაკაცზე, ჯეკ ბრუკსბენკზე დაიწერს ჯვარს.

ეკლესიაში უკვე მივიდნენ სტუმრები და სამეფო ოჯახის წევრები, მათ შორის - პატარძლის ბიძაშვილები ჰარი და უილიამი, მეუღლეებთან ერთად. ეკლესიაში იმყოფებიან, ასევე, პატარძლის და - პრინცესა ბეატრისი და დედა, სარა ფერგიუსონი.

შვილიშვილის ჯვრისწერაზე იმყოფება დედოფალი ელისაბედი ქმართან, პრინც ფილიპთან ერთად.

ნახეთ ვიდეო : ქეითი, მეგანი, უილიამი და ჰარი ბიძაშვილის ჯვრისწერაზე - სამეფო ოჯახი ეკლესიაში უკვე შეიკრიბა

უილიამი და ქეითი ცერემონიალზე შვილების გარეშე მივიდნენ. ეკლესიაში იმყოფება მიდლტონის დაც, პიპა, რომელიც ორსულად არის.

იუჯინის ჯვრისწერაზე პრინცესას ბიძა, ჩარლზი ცოლის გარეშე იქნება, კამილა პარკერი შოტლანდიაში იმყოფება.

ცერემონიალზე უამრავი ცნობილი ადამიანია მიწვეული, მათ შორის ვარსკვლავები - ნაომი ქემფბელი, ლივ ტაილერი, დემი მური, რობი უილიამსი, ელი გუდინგი, ჯეიმს ბლანტი, ქეით მოსი...

პრინცესას საკურთხეველთან მამა, იორკის ჰერცოგი მიიყვანს.