მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სოფო არის წამებით მოკლული... ერთი მუჭა საკუთარი თმა ეჭირა ხელში" - რას ყვება საბერძნეთში გარდაცვლილი 23 წლის გოგონას მეგობარი
13:11 / 12-10-2018
საბერძნეთში 23 წლის ქართველი გოგონა გარდაცვლილი იპოვეს. გარდაცვლილი სოფო წიკლაურია, მას 2 თვის ბავშვი დარჩა.
AMBEBI.GE ათენში გარდაცვლილი ემიგრანტის მეგობარს ქეთევან ძიგუას დაუკავშირდა.
"სოფოს ერთადერთი საუკეთესო, უახლოესი მეგობარი ვარ, ერთმანეთისთვის დებივით ვიყავით. 5 წელია, ორივე ერთად ემიგრაციაში ვართ საბერძნეთში. სოფოს ჰყავს 2 თვის პატარა ალექსანდრე.
სოფოს გვარი არის შანშიაშვილი, წიკლაური დედის გვარია. დედის გვარზე უნდოდა გადასვლა და სოციალურ ქსელში წიკლაური ეწერა. თუმცა, საბუთებით შანშიაშვილია და ცხადია, პოლიციას, საკონსულოს ასე აქვს გადაცემული მისი დოკუმენტები. სოციალურ ქსელში დაიწერა ისიც, რომ 2 დღის მკვდარია. არ არის ეს გოგო 2 დღის მკვდარი, ეს არავის დაუდგენია. დეტალებს გამოძიება დაადგენს და სავარაუდოდ, დღეს საღამოს მეცოდინება" - გვეუბნება გარდაცვლილის მეგობარი.
ძიგუა იხსენებს, როგორ იპოვა მან და კიდევ ორმა ადამიანმა გარდაცვლილი მეგობრის ცხედარი:
"დილიდან ისე მოხდა, რომ სოფო ვერ ვიპოვე. სხვაგან ჩემ გარეშე არ მიდიოდა. სამსახურიდან მასთან მივდიოდი, საჭმელი მიმქონდა ხოლმე და ყოველთვის ერთად ვჭამდით, ერთმანეთს ველოდებოდით ყავაზეც... ამჯერად სახლში მასთან რომ მივედი, კარი არავინ გამიღო, ძალინ ავნერვიულდი, მით უფრო, რომ მთელი დღის განმავლობაში არ შემხმიანებია, არც სმს გამოუგზავნია, ტელეფონიც გათიშული ჰქონდა. ბოლოს გადავწყვიტეთ, კარი შეგვემტვრია, ამაში 2 ადამიანი დამეხმარა..
კარი პოლიციის გარეშე შევამტვრიეთ, რადგან სახლიდან ძაღლის ყმუილი ისმოდა, თან, არ ვიცოდით და ვერც წარმოვიდგენდით მსგავსი რამ თუ დაგვხვდებოდა იქ, ამას ვერ ვფიქრობდით. რომ შევედით, ვნახეთ იატაკზე დაგდებული სოფო, ბავშვი თავის საწოლში იწვა. როგორც პოლიციამ გვითხრა, სამწუხაროდ, პატარა დამამშვიდებელი წამლის ზემოქმედების ქვეშ იყო... პოლიციამ თვითმკვლელობა გამორიცხა, ანუ სავარაუდოდ, მოკლულია.
- სოფო ვისთან ერთად ცხოვრობდა სახლში?
- ბავშვთან და ძაღლთან ერთად ცხოვრობდა. სამწუხაროდ, მეუღლე პატიმარია. ისინი საბერძნეთში დაქორწინდნენ, მერე მისი ქმარი დაიჭირეს. ქმართან არავითარი პრობლემა არ ჰქონდა, წარმოდგენა არ მაქვს, რა შეიძლებოდა მომხდარიყო. მისი ქმარიც, იქიდან რეკავდა და როგორც მე ვეძებდი, ისიც ასე ეძებდა მას.
- ანუ სოფოს მეუღლე სასჯელს საბერძნეთში იხდის?
- კი.
- რას საქმიანობდა სოფო ათენში?
- სანამ გათხოვდებოდა, მუშაობდა ისე, როგორც მე ვმუშაობ, ალაგებდა ოჯახში, ბავშვებთანაც მუშაობდა და ბებიასთანაც. მერე, როგორც ვთქვი, დაქორწინდა, ორსულად იყო და ამიტომ აღარ საქმიანობდა. მერე უკვე პატარა ჰყავდა და მას უვლიდა. ამ წუთისთვის დროებით უმუშევარი იყო...
- ერთ სახლში არ ცხოვრობდით?
- არა, სხვადასხვა სახლებში ვცხოვრობდით... სოფო წარმოშობით მთიულია, ცხოვრობდა თბილისში და როგორც ბევრი ადამიანი, ისიც საბერძნეთში წამოვიდა სამუშაოდ.
- წინა დღეებში როგორი განწყობა ჰქონდა? დეპრესიული ხომ არ იყო, რაიმეზე ხომ არ დარდობდა ან ხომ არ ავადმყოფობდა?
- არანაირად. დეპრესიული არ ყოფილა და როგორც აღვნიშნე, სოფოს თვითმკვლელობა გამორიცხა პოლიციამ და ექსპერტმა. მათი ვერსიით, სოფო არის წამებით მოკლული. ხელები დამტვრეული ჰქონდა, სხეულზე სიგარეტის ნამწვავები და სილურჯეები აღენიშნებოდა, ერთი მუჭა საკუთარი თმა ეჭირა ხელში, ეტყობა, სიმწრისგან ჩამოგლეჯილი. ამ წუთისთვის მეტი არაფერი ვიცი, მისი საქართველოში გადასვენების საკითხში საკონსულო გვეხმარება.
საგარეო საქმეთა სამინისტროს ინფორმაციით, საბერძნეთში გარდაცვლილი ქალის გადმოსვენების პროცედურაში ჩართულია ათენში საქართველოს საკონსულო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
