მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენი ახალგაზრდობა ავადმყოფდება, წყდება..." - აფხაზეთში ახალი ნარკოტიკული საშუალება გამოჩნდა
12:23 / 12-10-2018
ბოლო ხანებში აფხაზეთის რეგიონში ფსიქოტროპული ნივთიერება “პრეგაბალინის”, იგივე “ლირიკას” მოხმარებისთვის არაერთი ახალგაზრდა დააკავეს. მათ კვალდაკვალ აფხაზმა ე.წ. სამართალდამცავებმა ნარკოდანაშაულში ბრალდებულებიც აიყვანეს, თუმცა, "ჩარევების" შემდეგ, რამდენიმე მათგანი გაათავისუფლეს, რასაც ადგილობრივი მოსახლეობის მღელვარება მოჰყვა. აფხაზები წერენ, რომ რეგიონში ახალი ფსიქოტროპული ნივთიერება შემოიტანეს - ეს “პრეგაბალინია”, თუმცა უფრო ძლიერი მოქმედება აქვს.
"ქიმიური ნივთიერება, პირდაპირ ნერვულ სისტემაზე მოქმედებს და მას ძირითადად 18-წლამდე ასაკის მოზარდები მოიხმარენ. არაერთი მათგანი აიყვანეს სკოლებში, სკვერებსა და პარკებში... უაზრო გამომეტყველებით და საშიში, აგრესიული ქმედებებით მოიყვანეს 16 წლის ბიჭი სკოლიდან სახლში. მას ექიმებმა ვერაფერი გაუგეს და შემდეგ, ისევ ვიღაც ახალგაზრდამ, სავარაუდოდ, გამოცდილების მქონემ უშველა,” - წერს სოციალურ ქსელში იასონ აფხაზი.
რაც შეეხება “პრეგაბალინს”, ადგილობრივი მოსახლეობის თქმით, ბევრმა თქვა, რომ მას ექიმის რეკომენდაციით იღებდა, თუმცა, მისი მოქმედების შედეგიდან გამომდინარე, ის მკაცრად კონტროლდება. "ამ მედიკამენტის გამოწერის უფლება, მოქმედი კანონმდებლობით, ყველა ექიმს არ აქვს..." - წერს აფხაზური მედია და დასძენს, რომ მას ნარკოდამოკიდებული ადამიანები, ე.წ. ლომკის მოსახსნელად იღებენ.
ადგილობრივი მედიის ცნობით, ოფიციალურად ამ პრეპარატს, ე.წ. ჯანდაცვის სამინისტროს ნებართვით, 90-იანი წლების ომის მონაწილენი, დაახლოებით 50 ადამიანი იღებს. თუმცა, ამის ფონზე ის რეგიონში ასჯერ მეტი რაოდენობით შედის და უკონტროლოდ ვრცელდება...
“ამიტომაც გვყავს ფსიქიკაშერყეული ახალგაზრდები, რომელთაც არანაირი ღირებულებები არ გააჩნიათ. რჩევას ვერ მისცემ, შენიშნვას მით უფრო. ასაკთან შედარებით სასტიკი, აგრესიულები და საშიშები არიან," - წერს Абхазия-Информ.
სოხუმის ე.წ რესპუბლიკური საავადმყოფოს ნარკოლოგიური დისპანსერის მთავარი ექიმი ირმა ანუა აცხადებს, რომ პრეპარატის დანიშვნა მხოლოდ იმ შემთხვევაში უნდა მოხდეს, როდესაც პაციენტის მდგომარეობა მძიმეა. თუმცა, ადგილობრივების თქმით, ექიმები გარკვეულ პირებთან შეკრული არიან და მისი გაყიდვითა და მოხმარების ნებართვის გაცემით, ბონუსებს იღებენ.
"რამდენიმე დღის წინ, სოხუმში 1971 წელს დაბადებული მიხეილ ნაყოფია დააკავეს. ის სანკტ-პეტერბურგი-სოხუმის მატარებელში იჯდა და ცანდრიფშის რკინიგზის სადგურში, განსაკუთრებით დიდი ოდენობით ფსიქოტროპული და ნარკოტიკული ნივთიერებების შენახვისთვის აიყვანეს, თუმცა, არსებული ინფორმაციით, მალევე გაათავისუფლეს.
რამდენიმე დღის წინ, 1992 წელს დაბადებული, სოჭელი არაქს სრთლიანი დააკავეს. ყველამ იცის, რომ ის წლებია სოხუმში დადის და ისიც იციან, რა საქმეზე დადის, ვინ ჰყავს, ვის ამაგრებს და რა უბნებშია მათი “ბაზა", როგორ ვრცელდება შემდეგ ეს ყველაფერი და ვინ უდგას მას სათავეში, მაგრამ ამაზე ხმის ამოღებას ვერ ვბედავთ, რადგან თურმე სომხების სიძულვილში ჩაგვეთვლება... ჩვენი ახალგაზრდობა კი ავადმყოფდება, წყდება, მცირდება, ილევა..." - წერს სოხუმელი ხათუნა პაპავა სოციალურ ქსელში.
ადგილობრივების აღშფოთება გამოიწვია მიმდინარე წლის 10 ოქტომბერს, ასევე ნარკოტიკების შენახვა გავრცელებისთვის დაკავებული, ნარკორეალიზატორის ალხას არშბას ტყვარჩელის “სასამართლო დარბაზიდან” გათავისუფლებამ. აფხაზების თქმით, მას საკუთარი სახლის ეზოში დიდი ოდენობით მარიხუანაც ჰქონდა მოყვანილი და არსებული “კანონმდებლობით”, ნორმალურ ქვეყანაში 10-12 წლამდე პატიმრობა უნდა მიესაჯათ.
“ერის დეგრადაცია მიმდინარეობს: ახალგაზრდები, ვისაც ნარკოტიკის ფული არ აქვს, ძირითადად სოფლებში, “ჭაჭით" შტერდებიან... ცნობილი აკადემიკოსი ფედოროვი 20 წელი მუშაობდა აფხაზეთის სხვადასხვა სოფლებში ექიმად და გაოცებული იყო იმით, თუ რა ასაკიდან იწყებენ დალევას აფხაზები... რამდენიმე დღით ვიყავი სტუმრად ტყვარჩელის ერთ-ერთ სოფელში და მე იქ ფხიზელი აფხაზი არ მინახავს,” - წერს ინტერნეტგამოცემა abkhaz-auto.ru-ს კომენტარებში ერთი აფხაზი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
