"ეს კაცი მიყვარს ბავშვობიდან... ახალგაზრდა კოლეგებს უყვება როგორი ლამაზი ვიყავი" - ლალი მოროშკინა ირაკლი კაკაბაძეს ემოციურ პოსტს უძღვნის
ჟურნალისტი ლალი მოროშკინა და პუბლიცისტი ირაკლი კაკაბაძე დიდი ხანია მეგობრობენ და ახლა პროექტმა "ცეკვავენ ვარსკვლავები" სცენაზე შეახვედრა ერთმანეთს. მათი გამოჩენა მეგაშოუში ბევრისთვის მოულოდნელობა იყო, თუმცა პირველ ტურს მონაწილეებმა მშვენივრად გაართვეს თავი და მაყურებლის მხარდაჭერის იმედიც აქვთ.
ლალი მოროშკინა მეგობარს ვრცელ პოსტს უძღვნის ფეისბუქის გვერდზე:
"2009-ში, მრავალი წლის მერე, ფრანკფურტის წიგნების ბაზრობაზე შევხვდით ერთმანეთს... მე ჩემს წიგნს" მე, პრეზიდენტი და მსოფლიო ჩემპიონი" ვაცნობდი გერმანელებს, იკა თავის ფილოსოფიურ წიაღსვლებს...
ეს კაცი მიყვარს და ვიცნობ ბავშვობიდან... ორივე 1969 წლის ინკუბატორიდან ვართ, ორივე თბილისის შუა გულში ვიზრდებოდით, ორივეს შეგვეძლო ფეხი ფეხზე გადადებული ცხოვრება და ასევე დიდ ხანს ევროპაში და ამერიკაში დარჩენა, მაგრამ მაინც შუბლით ვეხეთქებოდით ჩვენი სამშობლოს გოდების კედელს... რაც მთავარია, ჯერ კიდევ კომუნისტურ-ნომენკლატურული წარსულიდან, მუდამ დინების საწინააღმდეგოდ მივცურავდით! ხან გვიჭერდნენ, ხან გვიშვებდნენ, ხან გვემუქრებოდნენ...
ჩვენ კი ხან ოჯახებს ვქმნიდით და ხან ვანგრევდით... ხშირად ამ ნამსხვრევებშიც თავადაც ვყვებოდით... დღეს ერთად ვართ, ჩვენთვის სრულიად ავანტიურულ პროექტში... და აქაც ორივემ ერთმანეთი შევაგულიანეთ: ცხოვრება ხომ ახლის ძიებაა ჩემო ბატონო, აბა გარინდება და გაშეშება რას მოგვიტანს ბეჩა? ყოველ რეპეტიციაზე, მოდის და მამხნევებს, რომ საუკეთესო ვარ... კიდევ ახალგაზრდა კოლეგებს უყვება როგორი ლამაზი ვიყავი და როგორ დამსდევდა კუდში ვერა-ვაკე-საბურთალო. აი ასეთია ჩემი მეგობარი...
ირაკლი კაკაბაძე! მე ამაყი ვარ მეგობარო, რომ "იმედის" მართლაც რომ მეგა შოუში, შენს გვერდით მიწევს ცეკვა,ბრძოლა და არსებობა!
P.S. ისიც ვიცი ღამ-ღამობით აქ რომ დაეხეტები და პოზიტიურ, სიყვარულით გაჟღენთილ კომენტარებს მიწერ, ბევრი ე.წ."კეთილისმსურველისგან" განსხვავებით! ასე რომ მე და შენ ერთი სისხლის ვართ მეგობარო, შენი ცეკვა-ჩემი იმედია!" - წერს მოროშკინა.