მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ახალგორში ქართული პროდუქტის რეალიზაცია იზღუდება - "...რაღაც ახალი ტალღისთვის ემზადებიან"
19:33 / 09-10-2018
რამდენიმე დღეა ახალგორის რაიონში ქართულ პროდუქტებზე შეზღუდვებს აწესებენ. როგორც ადგილობრივი გარემოვაჭრეები ამბობენ, ე.წ. სანეპიდსადგურის თანამშრომლები "შემოწმებაზე" დადიან და მაღაზიებში, სხვადასხვა მიზეზით, ქართული წარმოების პროდუქტის ამოღებას ითხოვენ.
აკრძალული პროდუქტების სიაში მოხვდა თევზი და ხორცპროდუქტები - ძეხვეული, გაყინული ქათამი და ნახევარფაბრიკატები. აკრძალვამ როგორც ადგილობრივი ქართველების, ისე ოსების აღშფოთება გამოიწვია. როგორც ისინი განმარტავენ, "აკრძალვის მიზეზი ძალიან არასერიოზულია".
"საუბარია ქართული მხრიდან ტრანსპორტირების დროს აზიური ფაროსანას გავრცელების საფრთხეზე" - წერენ ადგილობრივები სოციალურ ქსელში. მათივე თქმით, ქართული მხრიდან ბოსტნეულით დატვირთული მიკროავტობუსები ცხინვალის მიმართულებით უწყვეტად მოედინებიან და აქამდე ისინი არასდროს არავის არ დაუკავებია.
"სრულიად უსაფუძვლოა იმაზე საუბარი, რომ იქიდან შემოტანილი პროდუქტი მავნებელია, რადგან მისი ხარისხი არ არის შემოწმებული... სინამდვილეში რაღაც ახალი ტალღისთვის ემზადებიან. იმ მაღაზიების მეპატრონეები, რომლებიც ქართული პროდუქტებით ვაჭრობდნენ, იძულებულები გახდნენ სავაჭრო ობიექტები დაეხურათ, რათა მოსალოდნელი უსიამოვნება თავიდან აიცილონ..." - წერს ახალგორელი სამოქალაქო აქტივისტი თამარ მეარაყიშვილი.
ადგილობრივების თქმით, რაიონში ქართული პროდუქციის აკრძალვა სოციალურ ფონს კიდევ უფრო გაამწვავებს, რადგან რუსეთიდან ნებისმიერი სახის ტვირთის შემოტანა გაცილებით ძვირი უჯდებათ. შესაბამისად, მისი რეალიზაციაც უფრო მაღალ ფასში მოუწევთ, რაც პრაქტიკულად, შეუძლებელია...
"მოსახლეობას მეტის გადახდის საშუალება არ აქვს... მოვაჭრეები და მაღაზიის მფლობელები ისედაც პენსიიდან პენსიამდე, ან ხელფასამდე დაგროვილ ვალებზე მუშაობენ. მოსახლეობას თვის ბოლომდე, სასიცოცხლო მნიშვნელობის მქონე პროდუქტებში, როგორიცაა პური, შაქარი და მარილი იმდენი ვალი უგროვდებათ, რომ მთელ თანხას იქ ტოვებენ და ახალი ვალების აღებას მომდევნო დღიდან იწყებენ. ასეა ახალგორში, ცხინვალში და მიმდებარე სოფლებში... იმის ნაცვლად, რომ რაღაც შეღავათები დაწესდეს, ადამიანებმა ამოისუნთქონ და მხოლოდ გადარჩენაზე არ იფიქრონ, ყოველდღე უარესებს აკეთებენ..." - წერენ ოსები სოციალურ ქსელებში.
ადგილობრივი მედიის თქმით, მთლიანად თუ არა, თითქმის ყველა რუსული ტვირთი რეგიონში ასევე ხელბარგის სტატუსით შემოდის, რადგან მოვაჭრეებს, რამდენიმე ათეული დასახელების ტვირთის მსხვილ პარტიად გაფორმება არ უღირთ. ახლა კი, "შესაბამისმა უწყებებმა" ყველაფრის კონტროლი გადაწყვიტეს.
"ასეთივე ვითარებაა ცხინვალის მაღაზიებშიც, ფიტოსანიტარული შემოწმება იქაც აუცილებელი ხდება, თუმცა ლენინგორში რატომღაც შემოწმება კი არა, შეზღუდვები დაიწყეს... თუმცა, დროდადრო იმ რაიონის "სანეპიდსადგურის" ხელმძღვანელობაც ამოწმებდა იქაურ მაღაზიებს, უბრალოდ ახლა ამას მასშტაბური სახე მისცეს, რამაც ადგილობრივი ვაჭრების პროტესტის გამოიწვია" - წერს ადგილობრივი მედია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
