4
ივნისიდღის ზოგადი ასტროლოგიური პროგნოზი
საოკუპაციო რეჟიმის მიერ დაკავებული საქართველოს მოქალაქეები - მაია ოთინაშვილი და აკაკი დოთიაშვილი გათავისუფლებული არიან. ამის შესახებ „ინტერპრესნიუსს“ საქართველოს სახელმწიფო უსაფრთხოების სამსახურში განუცხადეს.
ორივე მოქალაქე საქართველოს ხელისუფლებას გადაეცა.
მაია ოთინაშვილი 29 სექტემბერს, აკაკი დოთიაშვილი კი 6 ოქტომბერს, „სახელმწიფო საზღვრის რეჟიმის დარღვევის“ ბრალდებით დააკავეს.
ოთინაშვილს ე.წ. სასამართლომ 1 წლით პირობითი სასჯელი და 6 თვის გამოსაცდელი ვადით პატიმრობა მიუსაჯა, დოთიაშვილი კი ჯარიმის გადახდის შემდეგ გაათავისუფლეს.
მაია ოთინაშვილს სამი შვილი ჰყავს.
საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში „ფეისბუქზე“ ოთინაშვილის ერთ-ერთ შვილთან, გიორგისთან ერთად გადაღებული ფოტო განათავსა.
„მაია ოთინაშვილი თავისუფალია და საკუთარ სახლშია უკვე! გიორგიმ, ამ პატარა და ყოჩაღმა ბიჭმა კი, დედის უკანონო პატიმრობაში ყოფნის დროს, გორის ღია ჩემპიონატი მოიგო კრივში და მონატრებულ დედას ასეთი წარმატებით დახვდა!” - წერს ქეთევან ციხელაშვილი.
