მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ავარიას თითქმის მთელი ოჯახი ემსხვერპლა - ახალდაქორწინებულების წვეულება აშშ-ში ტრაგედიით დასრულდა
10:30 / 08-10-2018
ნიუ-იორკში მომხდარი საზარელი ავარიის დროს ლიმუზინში მჯდომი 18 ადამიანი და ორი ფეხით მოსიარულე გარდაიცვალა. „დეილი მეილი“ წერს, რომ გარდაცვლილებს შორის ოთხი და და მათი ქმრები არიან. ისინი უმცროსი დის 30-ე დაბადების დღის წვეულებაზე მიდიოდნენ, როდესაც ლიმუზინის მძღოლმა კონტროლი დაკარგა და საპირისპირო მხარეს გაჩერებულ მანქანას დაეჯახა.
გარდაცვლილი დები არიან აბიგაილ ჯექსონი, მერი დაისონი, ელისონ კინგი და ემი სტინბერგი. ები ჯექსონსა და მის ქმარს, ადამსს 2 შვილი დარჩათ, ემი და ექსელ სტინბერგი კი ივნისში დაქორწინდნენ. ავარიის დროს ექსელის 34 წლის ძმა, რიჩ სტინბერგიც გარდაიცვალა. უბედურ შემთხვევას ემსხვერპლნენ მერი დაისონი და მისი ქმარი, რობერტი.
გარდაცვლილებს შორის არიან ახალდაქორწინებულები - 34 წლის ერინ მაკგოუენი და 30 წლის შეინ მაკგოუენი. ისინი ივნისში დაქორწინდნენ.
დების მამიდა, ბარბარა დუგლასი ამბობს, რომ მომხდარის გამო მთელი ოჯახი შოკირებულია.
ნახეთ ვიდეო : ახალდაქორწინებულების წვეულება აშშ-ში ტრაგედიით დასრულდა: ავარიას თითქმის მთელი ოჯახი ემსხვერპლა
„სულ ახლახან დაქორწინდნენ, ქმარმა გადაწყვიტა, ცოლისთვის დაბადების დღის წვეულება მოეწყო. მათ ლიმუზინი იქირავეს, რომ თავად არ ემართათ მანქანა,“ - განაცხადა მედიასთან დუგლასმა.
მამიდა ამბობს, რომ მისი დისშვილები „სიცოცხლით სავსე, ლამაზი გოგონები“ იყვნენ. ორ მათგანს კი შვილები დარჩა.
„ჩემი ძმა და მისი ცოლი მძიმე მდგომარეობაში არიან, არც კი ვიცი, ეს როგორ აღვწერო... ძალიან რთულია ასეთი ტრაგედიის გააზრება, რომლის დროსაც შენი ოთხივე ქალიშვილი გარდაიცვალა...“ - ამბობს გოგონების მამიდა.
ავარიის დროს ამერიკელი სამხედრო ვეტერანი მეთიუ კუნსი და მისი მეგობარი გოგონა, სავანა დევონიც გარდაიცვალნენ.
ადგილობრივი ხელისუფლების წარმომადგენლები ამბობენ, რომ გზის მონაკვეთი, სადაც ტრაგედია მოხდა, დიდი ხანია, ტრანსპორტისთვის ერთ-ერთ ყველაზე საშიში ადგილია. ტრანსპორტის სახელმწიფო დეპარტამენტმა 7 წლის წინ მონაკვეთზე უსაფრთხოებისთვის სამუშაოები ჩაატარა, მაგრამ, ადგილობრივი ხელისუფლების თქმით, ეს საკმარისი არ არის.
ოფიციალური ინფორმაციით, აშშ-ში ეს ყველაზე დიდი სატრანსპორტო ინციდენტია 2009 წელს მომხდარი ავიაკატასტროფის შემდეგ, როდესაც ბუფალოში 50 ადამიანი გარდაიცვალა.
თვითმხილველები ამბობენ, რომ ლიმუზინი საათში 60 მილის სიჩქარით მოდიოდა, როდესაც შეჯახება მოხდა და ხმა იმდენად ძლიერი იყო, აფეთქებას ჰგავდა. ისინი შეეცადნენ, მანქანაში მყოფები გარეთ გადმოეყვანათ, ლიმუზინი შეჯახების შემდეგ დაახლოებით 10 მეტრის სიღრმის ხევში გადავარდა.
მომხდართან დაკავშირებით გამოძიება მიმდინარეობს, სამართალდამცველები კონკრეტულ მიზეზებზე, ჯერჯერობით, ვერ საუბრობენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
