30
მაისიდღის ზოგადი ასტროლოგიური პროგნოზი
რამდენიმე დღეა "ფეისბუქში" ვრცელდება ფოტო, რომელიც თბილისის ერთ-ერთ უბანშია გადაღებული და მასზე 9-სართულიანი კორპუსია ასახული. საცხოვრებელი მოშენებებით იმდენად დეფორმირებულია, რომ ბაბა იაგას სახლს მოგაგონებთ.
მართალია, დედაქალაქისთვის უკანონო მიშენებები უცხო არ არის, თუმცა, "ფეისბუქის" მომხმარებლები ნანახმა მაინც გააოცა. ფოტოს დიდი გამოხმაურება მოჰყვა - ასობით გაზიარება და კომენტარი.
"ეს ის მომენტია, როცა "მიშენებას" კორპუსი მიადგეს"; "კუბიზმი თბილისურად"; "ამის მშენებელი ტეტრისს თამაშობდა?"; "ტაქსს რომ ეტყვი არაშენდასთან მიმიყვანეო, ამაზე უნდა უთხრა - გადაშენდასთან მიმიყვანეო" - წერენ კომენტარებში ინტერნეტმომხმარებლები.
ზოგიერთმა ფეისბუქ-მომხმარებელმა კი ეჭვი გამოთქვა, რომ ეს უბრალოდ ფოტოშოპია და რეალურად ასეთი კორპუსი თბილისში არ არსებობს.
გადავწყვიტეთ მოგვეძებნა და აღგვებეჭდა აღნიშნული კორპუსი.
იხილეთ ვიდეო: თბილისის მორიგი არქიტექტურული "სასწაული"
ბინა ნუცუბიძის ქუჩაზე მდებარეობს, მის მიმდებარე ტერიტორიაზე ბევრ კორპუსს აქვს მიშენებები, თუმცა, ეს კონკრეტული, ასიმეტრიული და უცნაური ფორმებით, სხვებისგან ნამდვილად გამორჩეულია.
