11
ივლისიდღის ზოგადი ასტროლოგიური პროგნოზი
შეიძლება ითქვას, რომ ქართული ინტერნეტსივრცის ვარსკვლავად იქცა პირველკლასელი ბიჭუნა, რომლის მიერ ჰიმნის ემოციური შესრულების ვიდეოკადრები დიდი პოპულარობით სარგებლობს და მარტო სოციალურ ქსელ "ფეისბუკში" ნახევარმილიონამდე მომხმარებელმა ნახა. უკვე რამდენიმე დღეა ვიდეო არც წამყვანი ვიდეოპორტალების მთავარი გვერდებიდან ჩამოდის. როგორც გავარკვიეთ, საოცრად არტისტული ბიჭუნა სკოლა-ლიცეუმ "პრომეთეს" მოსწავლე საბა ბახტაძეა, რომელიც წელს პირველად წავიდა სკოლაში და ყველასთვის მოულოდნელად, ერთბაშად სუპერპოპულარულ მოსწავლედ იქცა.
როგორც საბას დედამ, მაია მიქავამ გვითხრა, ოჯახის წევრებს მისგან ეს ქცევა არ გაჰკვირვებიათ.
- საბას პირველი რეაქცია იყო ჰიმნის მოსმენის დროს ის, რაც ვნახეთ, თუ მანამდეც ყოფილა მსგავსი შემთხვევა?
- ზოგადად, ძალიან არტისტული ბავშვია და მისგან შეჩვეული ვართ მსახიობურ ოსტატობას, თუმცა სკოლაში წასვლის პირველ დღეს ასეთი რამ პირველად გააკეთა. მე ვერც ვხედავდი რას შვრებოდა, მის უკან ვიდექი. სხვა მშობელს გადაუღია ვიდეო, რომელიც მერე სოციალურ ქსელში გავრცელდა.
ვიდეო ჯერ სკოლის ერთ-ერთ პედაგოგს, მათემატიკის მასწავლებელს დაუდია დახურულ ჯგუფში. მთელი კვირა იცინოდნენ სკოლაში, არადა, მე არ მქონდა ნანახი და ვერ ვხდებოდი რა ხდებოდა. ბოლოს ერთმა მშობელმა მითხრა და ვთხოვე ჯგუფში დავემატებინე, რომ მენახა, რას აკეთებდა ჩემი შვილი. ამის შემდეგ მთხოვეს გაესაჯაროებინათ სკოლის გვერდზე და მეც დავრთე ნება. განაგრძეთ კითხვა
