მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შსს-ს თანამშრომლები ბინებს 40%-იანი სახელმწიფო თანადაფინანსებით მიიღებენ
13:34 / 27-09-2018
ბინათმშენებლობის პროექტის ფარგლებში, რომელსაც შინაგან საქმეთა სამინისტრო ახორციელებს, შს სტრუქტურაში მომუშავე პირები ბინებს 40%-იანი სახელმწიფო თანადაფინანსებით მიიღებენ. პროექტის დეტალების შესახებ ინფორმაცია „ინტერპრესნიუსმა“ შინაგან საქმეთა სამინისტროდან გამოითხოვა.
უწყების ინფორმაციით, მნიშვნელოვანი შეღავათიანი პირობებით ბინის მიღების შესაძლებლობა შინაგან საქმეთა სამინისტროს „გამორჩეულ, პროფესიონალ და საკუთარი საქმისადმი ერთგულ მოსამსახურეებს“ ექნებათ.
მათივე განმარტებით, ასეთი პირების შესარჩევად შინაგან საქმეთა სამინისტროში სპეციალური კომისია უკვე შეიქმნა.
„საქართველოს შინაგან საქმეთა მინისტრის 2018 წლის №1/373 ბრძანებით "საქართველოს შინაგან საქმეთა სამინისტროს მოსამსახურეთათვის უძრავი ქონების საკუთრებაში გადაცემის განმხილველი კომისიის შექმნისა და დებულების დამტკიცების შესახებ“ შეიქმნა სპეციალური განმხილველი კომისია და დამტკიცდა კომისიის საქმიანობის განმსაზღვრელი დებულება. შედეგად შეირჩევიან სტრუქტურულ ერთეულებში მომუშავე გამორჩეული, პროფესიონალი, საკუთარი საქმისადმი ერთგული მოსამსახურეები. კანდიდატთა შერჩევის შემდგომ დოლურის პრინციპით, მოხდება აღნიშნული კანდიდატებიდან გამარჯვებულების გამოვლენა, რომელთაც მიეცემათ ბინების შეღავათიან ფასში შეძენის შესაძლებლობა. აღნიშნული მიდგომა მაქსიმალურად გამორიცხავს შერჩევის პროცესში სუბიექტური მიდგომის ფაქტებს“, - ნათქვამია შსს-ს მიერ მოწოდებულ ინფორმაციაში.
რაც შეეხება ბინების საფასურის გადახდას, შსს-ს ინფორმაციით, თანხის 40% სახელმწიფო დააფინანსებს, დარჩენილ 60%-ს კი თავად ბენეფიციარი ან საკუთარი სახსრებით დაფარავს ან შეღავათიან იპოთეკურ სესხს მიიღებს.
„ზემოაღნიშნული ბინების შეღავათიან ფასში (ბინის ფასის 40% დაფინანსდება სახელმწიფოს მიერ, ხოლო დარჩენილი 60% ბანკის დაფინანსებით (შეღავათიანი იპოთეკური სესხით) ან მოსამსახურეთა პირადი სახსრებით) შესიდვის შესაძლებლობა მიეცემათ შინაგან საქმეთა სამინისტროში მომუშავე მოსამსახურეებს, რომლებიც გაივლიან ზემოაღნიშნულ შერჩევის პროცესს. ბინების შესყიდვის პროცესი დაფუძნებული იქნება სახელმწიფოს, შინაგან საქმეთა სამინისტროს მოსამსახურესა და რიგ შემთხვევაში კონკრეტულ ბანკს შორის შეთანხმებაზე/მემორანდუმზე“, - აღნიშნულია შსს-ს მიერ მოწოდებულ ინფორმაციაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
