წიგნის კაფე „პიატო“ სტუმრებს იტალიურთან ერთად ქართული კერძებითაც გაუმასპინძლდება

რჩეული ქართული კერძები „პიატოსგან“ - ეს წიგნის კაფის ახალი შეთავაზებაა, რომელიც ამიერიდან სტუმრებს იტალიურთან ერთად ქართულ კერძებსაც შესთავაზებს. ცოცხალი მუსიკა, განახლებული, კომფორტული ინტერიერი და უმაღლესი ხარისხის მომსახურება „პიატოს“ კიდევ უფრო გამორჩეულს ხდის. ეს არის ადგილი, რომელიც დიდი ხანია, საზოგადოების მოწონებას იმსახურებს და დამსახურებულად ითვლება თბილისის ერთ-ერთ საუკეთესო კაფედ.

როგორც „პიატოს“ შეფმზარეული მიშა ბერძენიშვილი ამბობს, მოთხოვნა ქართულ კერძებზე დიდი ხანი არსებობდა და მენიუში მათი შეტანის იდეაც სწორედ აქედან გაჩნდა. შეფმზარეულმა სტუმრებს ისინი ახალი ინტერპრეტაციით შესთავაზა. აღსანიშნავია, რომ ქართული კერძების დაგემოვნება სტუმრებს თავდაპირველად თელავში და ბათუმში შეეძლოთ, ახლა მათ თბილისში, ჭავჭავაძეზე მდებარე კაფეშიც დააგემოვნებენ.

„ჩვენი სტუმრები, მათ შორის უცხოელები, რომლებიც ხშირად სტუმრობენ წიგნის კაფეს, გვთხოვდნენ, რომ იტალიურთან ერთად, ქართული კერძების დაგემოვნების შესაძლებლობაც მიგვეცა. ავარჩიეთ რამდენიმე ისეთი კერძი, რომელიც განსაკუთრებით მოთხოვნადი იყო. ესენია: შემწვარი სოკო შავი ბრინჯითა და პომიდვრით, შემწვარი ხბოს ხორცი პომიდვრის სოუსით, ქათმის სტეიკი ნიგვზის სოუსით, ფხალის ასორტი მჭადით და რა თქმა უნდა, ხაჭაპურის და ყველის როლები. თითოეული ეს კერძი ორი კულტურის ნაზავია. ტრადიციული კერძებია, რომლებსაც ევროპული ინტერპრეტაცია აქვთ. მსგავს კერძებს სხვაგან ვერსად დააგემოვნებთ. მარტივი ინგრედიენტებისგან ჩვენ შეუდარებელი გემო შევქმენით, რომელიც კიდევ ერთხელ უსვამს ხაზს იმ ფაქტს, რომ ისინი ყველასგან გამორჩეულია,“ - განმარტავს მიშა ბერძენიშვილი. მაგალითად, „პიატოს“ მიერ წარმოდგენილი ხაჭაპურის ხრაშუნა როლები ისევე, როგორც ყველის როლები, ალპური სულგუნით მზადდება, რაც მას უსაზღვროდ გემრიელს ხდის.

„ჩვენმა სტუმრებმა ყოველთვის იციან, რომ წიგნის კაფე სწორედ ის ადგილია, სადაც უგემრიელესი კერძების დაგემოვნება შეუძლიათ. კერძების გემო, მყუდრო გარემო და მომსახურების მაღალი ხარისხი განასხვავებს ჩვენს კაფეს სხვა კაფეებისგან“,– დაამატა შეფმზარეულმა.

შეგახსენებთ, რომ ჭავჭავაძის 7 ნომერში, „ბიბლუსი გალერეაში“ მდებარე წიგნის კაფე „პიატო“ სტუმრებს რჩეულ იტალიურ და ქართულ კერძებს სთავაზობს. ცოცხალი მუსიკა კი კაფეში გატარებულ დროს დაუვიწყარს ხდის. რაც შეეხება ქართულ კერძებს, სულ მალე, „პიატოს“ სტუმრებს მისი დაგემოვნება თელავის, ბათუმის და ჭავჭავაძის პიატოს გარდა, კანდელაკის 7–ში მდებარე წიგნის კაფეშიც შეეძლებათ. თვალი ადევნეთ „პიატოს“ სიახლეს ჩვენს ოფიციალურ ფეისბუქგვერდზე.