53 წლის მონიკა ბელუჩი პოდიუმზე ბრწყინავდა

ვენსან კასელისა და თინა კუნაკის ქორწილის გარშემო აურზაური ჩაცხრა, წყვილი მშვიდად აგრძელებს ცხოვრებას, ბოლო დღეების განმავლობაში კი მედიის ყურადღების ცენტრში კასელის ყოფილი ცოლი, ცნობილი მსახიობი მონიკა ბელუჩი მოექცა.

ბელუჩი მილანში იმყოფება, მან მოდის კვირეულშიც მიიღო მონაწილეობა და პოდიუმზე არაჩვეულებრივად გამოიყურებოდა.

მსახიობმა მოდის კვირეულის თანმხლები ყველა წვეულება გამოტოვა, თუმცა პაპარაცებმა მისი გადაღება ქუჩაში მაინც შეძლეს. შაბათი მონიკამ საყიდლებს დაუთმო, ფოტოგრაფებმა კი ის Dolce & Gabbana-ს მაღაზიიდან გამოსვლისას დააფიქირეს. სამოდელო სახლთან ბელუჩი მრავალი წელია, თანამშრომლობს.

23 სექტემბრის შოუს მაყურებლები განსაკუთრებული ინტერესით ელოდნენ, რადგან ეს იყო ყველაზე გრანდიოზული და „ყველაზე იტალიური“ საღამო - სამოსის ახალი კოლექცია სწორედ ბელუჩის საყვარელმა ბრენდმა Dolce & Gabbana წარადგინა. დიზაინერებმა მოდელებად საკუთარი შთაგონების წყაროები მოიწვიეს, მათ შორის იყვნენ მონიკა ბელუჩი, კარლა ბრუნი, ევა ჰერციგოვა, კიტი სპენსერი, იზაბელა როსელინი, ჰელენა კრისტენსენი და სხვა ვარსკვლავები.

ნახეთ ვიდეო: მილანის მოდის კვირეული 53 წლის მონიკა ბელუჩიმ გახსნა