მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ადვოკატი - შეიძლება იყოს სიმსივნე, თვალის დამბლა... ვითხოვთ, ვანო მერაბიშვილს დამატებით გამოკვლევას
10:39 / 24-09-2018
შს ყოფილი მინისტრის, ვანო მერაბიშვილის ადვოკატის განცხადებით, დამატებითი კვლევებია ჩასატარებელი, რათა გამოირიცხოს ისეთი მძიმე დაავადებების ვერსიები, როგორიცაა სიმსივნე და თვალის დამბლა.
როგორც “ინტერპრესნიუსს“ ადვოკატმა გიორგი ჩივიაშვილმა განუცხადა, სპეციალური პენიტენციური სამსახურის მიერ დაცვის მხარისთვის მიწოდებულ სამედიცინო დოკუმენტაციას ექიმები სწავლობენ, რათა კონკრეტულად გაირკვეს, თუ რა დაავადება დაუდგინდა მერაბიშვილს. გიორგი ჩივიაშვილი ვანო მერაბიშვილის დამატებით გამოკვლევებზე გადაყვანასაც მოითხოვს.
„ამ დიაგნოზებს ჩვენ თვითონაც ვერ ვიგებთ, ყველა კითხვას ექიმებმა უნდა უპასუხონ. ბუნებრივია, ჩვენ მოვითხოვთ დამატებით კვლევებს. თუ ეს არის დიაგნოზი, ორი თვის განმავლობაში შედეგი უნდა ყოფილიყო. შედეგი არ არის“, - განაცხადა ჩივიაშვილმა.
რაც შეეხება ვანო მერაბიშვილის ინტოქსიკაციის ვერსიას, ადვოკატის თქმით, ამასთან დაკავშირებით ეჭვები მას შემდეგ გაჩნდა, რაც შს ყოფილი მინისტრის მკურნალობამ შედეგი არ გამოიღო.
„ჩვენ არ ვამტკიცებთ არაფერს. არსებობს უამრავი ვერსია და სანამ სრულყოფილად არ იქნება დადგენილი ეს ვერსიები, ეჭვები იარსებებს. ჩვენი ეჭვები გააჩინა იმან, რომ 2 თვეზე მეტია ადამიანს მკურნალობენ და იგივე მდგომარეობაშია. ამიტომ ყველაფერი უნდა გამოირიცხოს. აქ უნდა გამოირიცხოს ინტოქსიკაციაც, სიმსივნეც და კიდევ ბევრი რამ. ჰორნერის დაავადება შეიძლება იყოს ფილტვის კიბო, თავის სიმსივნე, ანუ ბევრი რამ შეიძლება იყოს, რომელიც უნდა გამოირიცხოს. გვეუბნებიან, რომ მაგნიტორეზონანსულ ტომოგრაფიაში არ ჩანს სიმსივნე, შესაბამისად, შეიძლება იყოს სხვა რამ, იგივე თვალის დამბლა“, - განაცხადა გიორგი ჩივიაშვილმა.
სპეციალური პენიტენციური სამსახური შს ყოფილი მიბნისტრის ვანო მერაბიშვილისთვის დასმულ დიაგნოზს ასაჯაროვებს. როგორც უწყების განცხადებაშია აღნიშნული, მერაბიშვილს ვაზომოტორული რინიტი; ჰორნერის სინდრომი (მარჯვნივ), ბლეფარო-კონიუნქტივიტი დაუდგინდა. ამასთან სპეციალური პენიტენციური სამსახური კატეგორიულად უარყოფს მსჯავრდებულის ადვოკატის განცხადებას, რომ მერაბიშვილის მდგომარეობა უკიდურესად დამძიმებულია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
