ახალი Iphone-ის მოლოდინში ათასობით ადამიანმა მაღაზიებთან გაათენა

„აიფონის“ თაყვანისმცემლებმა დიდ ბრიტანეთში მაღაზიების წინ გაათენეს, რომ საყვარელი ტელეფონის უკანასკნელი და ყველაზე ძვირფასი ვერსია შეეძინათ.

Evening Standard-ის ინფორმაციით, ლონდონში მაღაზიები დილის 8 საათზე გაიღო და ახალი iPhone XS-ის და XS Max-ის შეძენის მსურველებს თანამშრომლები საზეიმოდ შეეგებნენ.

ათასობით ადამიანი სიცივესა და ქარში მაღაზიების წინ მთელი დღე-ღამის განმავლობაში იდგა. მომხმარებლები ამბობენ, რომ ახალი მოდელი იმდენად მოსწონთ, ცივ ამინდში დგომის გამო წუწუნი არც ღირს.

ბრიტანეთში XS-ისა და XS Max-ის ფასი 999 ფუნტიდან იწყება.

საქართველოში iPhone Xs და Xs Max 23 სექტემბრიდან გაიყიდება. გაყიდვების პირველ ეტაპზე iPhone Xs-ის ღირებულება იქნება 3899 ლარი, ხოლო iPhone Xs Max-ის 4299 ლარი. გაყიდვების მეორე ეტაპი კი 28 სექტემბრიდან დაიწყება და წინასწარი შეკვეთის შემთხვევაში ღირებულება სპეციალური ფასდაკლებით 3299 ლარი (iPhone Xs) და 3699 ლარი (iPhone Xs Max) იქნება.