მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კულტმა მთელი ოჯახი წამართვა..." - ეკლესია, სადაც ხალხს სცემენ და შიმშილისთვის ამზადებენ
11:17 / 20-09-2018
სამხრეთ კორეულმა ეკლესიამ, რომელსაც სჯერა, რომ გლობალური შიმშილი გარდაუვალია, წარმომადგენლობა ფიჯიზეც გახსნა და სოლიდური მრევლიც მოიზიდა. თუმცა, პოპულარობის ზრდასთან ერთად, BBC-ის ინფორმაციით, გრეის როუდს ძალადობაში სულ უფრო მეტი ადამიანი ადანაშაულებს.
სეოეონ ლი, რომელმაც ეკლესიას თავი დააღწია, „ბიბისისთან“ ამბობს, რომ ეს არის კულტი, რომლის გამოც მან ოჯახი დაკარგა, თუმცა მათგან წასვლას არ ნანობს. ლის თქმით, მხოლოდ ერთხელ მიეცა გაქცევის შანსი და გამოიყენა კიდეც.
21 წლის გოგონას გრეის როუდის წევრები დაედევნენ, მათ შორის - მისი დედა.
„თავს მოვიკლავდი, თუ ჩემს შეჩერებას შეძლებდნენ,“ - ამბობს ლი.
სეოიეონი აშშ-დან კორეაში საცხოვრებლად 2013 წელს გადავიდა, ზაფხულში სასწავლებლად. გოგონას დედას საშვილოსნოს სიმსივნე ჰქონდა, თუმცა მკურნალობაზე უარს აცხადებდა. მან შვილს უთხრა, რომ მხოლოდ იმ შემთხვევაში იმკურნალებდა, თუ გრეის როუდის ეკლესიაში მასთან ერთად ივლიდა.
„ძალიან უცნაური რიტუალი იყო. ადამიანები ყვიროდნენ, ტიროდნენ, ქადაგების დროს კი სასულიერო პირები ჰყვებოდნენ, რომ ქვეყნის აღსასრული დგებოდა. დედას ვუთხარი, რომ ეს კულტს ჰგავდა, თუმცა მან არ დამიჯერა,“ - ამბობს ლი.
მოგვიანებით, დედამ კვლავ უარი თქვა მკურნალობაზე და შვილს ახალი პირობა წაუყენა - იმ შემთხვევაში მივიდოდა ექიმთან, თუ ლი შეწყვეტდა აშშ-ში სწავლას და საცხოვრებლად სამხრეთ კორეაში გადავიდოდა.
სეოიეონმა, რომლის მამაც სიმსივნით გარდაიცვალა, შვებულება აიღო და სახლში გაემგზავრა.
გოგონას დედამ ოპერაცია გაიკეთა და შვილს უთხრა, რომ გამოსაჯანმრთელებლად ფიჯიზე სურდა გადასვლა, გოგონას მოსთხოვა, მასთან ერთად წასულიყო. სეოიეონი დათანხმდა, ორი კვირით დედასთან ერთად გამგზავრებულიყო. მას წარმოდგენა არ ჰქონდა, რომ ეს წინასწარ კარგად დაგეგმილი ფანდი იყო.
ფიჯიზე ჩასულმა კი აღმოაჩინა, რომ ეკლესიის თემთან ერთად უნდა ეცხოვრა, სწორედ მაშინ მიხვდა, რომ დედამ გამგზავრება განგებ მოაწყო.
„გლობალური შიმშილი“
სამხრეთ კორეაში დიდი რაოდენობით ქრისტიანი ცხოვრობს, ბოლო პერიოდში კი ქვეყანაში უამრავი ეკლესია გაჩნდა, მათი უმეტესობა კულტია.
გრეის როუდი, რომელიც ამტკიცებს, რომ კულტი არ არის, პირველად 2002 წელს გაჩნდა, ახლა ეკლესიას 1000-მდე მიმდევარი ჰყავს. პრესვიტერიანული უნივერსიტეტის პროფესორი ტარკ ჯი-ილი, რომელიც კარგად იცნობს კორეულ კულტებს, ამბობს, რომ ეკლესიის დამაარსებელსა და მთავარ სასულიერო პირს, შინ ოკ-ჯუს გლობალური შიმშილის გარდაუვალობის ჯერა. ეკლესიის წევრებს კი მოუწოდებს, რომ „იპოვონ ახალი სახლი, სადაც ისინი ქრისტეს მეორედ მოსვლისთვის მოემზადებიან“.
საკუთარი წარმომადგენლობა ეკლესიამ ფიჯიზე 2014 წელს გახსნა, განაცხადეს, რომ ეს ერთ-ერთია იმ ადგილთაგან, რომელსაც ღმერთი შიმშილისგან დაიფარავს.
ეკლესიის 400-მდე მიმდევარი ახლა ფიჯიზე ცხოვრობს, ისინი მუშაობენ ეკლესიის მიერ დაფუძნებულ კომპანიაში GR Group.
GR Group-მა საკმაოდ მსხვილი ბიზნეს იმპერია შექმნა - მათ აქვთ სამშენებლო ბიზნესი, რესტორნები, დაკავებულები არიან სოფლის მეურნეობითაც...
„ფერმაში მუშაობა ჩვენი მთავარი მისიაა, რადგან მზად უნდა ვიყოთ შიმშილისთვის, დამოუკიდებლები უნდა გავხდეთ,“ - აცხადებს „ბიბისისთან“ GR Group-ის პრეზიდენტი დენიელ კიმი.
დიდი წარმატება აქვთ სამშენებლო ბიზნესშიც, „ჯი არ გრუპმა“ არაერთი მსხვილი ტენდერი მოიგო, მათ შორის ფიჯის პრეზიდენტის რეზიდენციის სრული რესტავრაცია. დენიელ კიმს ახლო ურთიერთობა აქვს მაღალი თანამდებობის პირებთან, მათ შორის - პრემიერ-მინისტრთან.
თუმცა, ბოლო წლის განმავლობაში გრეის როუდის შესახებ არასახარბიელო ინფორმაცია გავრცელდა. ეკლესიის ხუთი წევრი სამხრეთ კორეაში დაბრუნდა და დენიელ კიმის დედა, შინი ძალადობაში დაადანაშაულა - ისინი ამბობენ, რომ შინს მათი პასპორტები ჰქონდა და წასვლის უფლებას არ აძლევდა. ეკლესიის წევრების თქმით, მათ მძიმე ფიზიკურ სამუშაოებს ასრულებინებდნენ და რიტუალებს შორის იყო დაუნდობლად ცემაც, რომლის დროსაც ერთ-ერთი მორწმუნე გარდაიცვალა.
შინი ივლისში სამხრეთ კორეაში დააკავეს, მას ადამიანების შეურაცხოფა და თავისუფლების აღკვეთა ედებოდა ბრალად. აგვისტოში ფიჯისა და სამხრეთ კორეის სამართალდამცავმა უწყებებმა გაერთიანებული სპეცოპერაცია მოაწყვეს, რომლის ფარგლებშიც დააკავეს დენიელ კიმი და ეკლესიის რამდენიმე მაღალჩინოსანი.
ისინი უკვე გათავისუფლებულები არიან, თუმცა ფიჯის პოლიციაში ამბობენ, რომ გამოძიება გრძელდება.
სამხრეთ კორეულმა საზოგადოებრივმა მაუწყებელმა გაავრცელა დოკუმენტური მასალა, სადაც ჩანს, როგორ ცემს შინი ეკლესიის წევრებს. კორეის პოლიციის წარმომადგენელმა მაუწყებელს უთხრა, რომ მორწმუნეების დიდმა ნაწილმა ეკლესიას მთელი ქონება შესწირა, თუ გრეის როუდს დატოვებენ, მათ არც ფული ექნებათ, არც სახლი.
დენიელ კიმი უარყოფს ფიზიკური თუ ფსიქოლოგიური ზეწოლის ფაქტებს, ამბობს, რომ არანაირი ცემის რიტუალი ეკლესიაში არ სრულდება.
„თუ ვინმემ რამე დააშავა, შესაძლოა, ჩვენმა პასტორმა ცოტა მოსცხო - ისე, როგორც დედა სჯის შვილს,“ - ამბობს კიმი.
გაქცევამდე ერთი დღით ადრე სეოეონმა აღმოაჩინა, რომ მისი პასპორტი და ლეპტოპი გამქრალიყო. დედამ არ უარყო, რომ თავად დამალა, შვილს წასვლის საშუალება რომ არ ჰქონოდა.
მან პოლიციაშიც სცადა დარეკვა, თუმცა ამბობს, რომ ეკლესიის წევრები სამართალდამცველებს არწმუნებდნენ, რომ გოგონა ხუმრობდა.
ლიმ გაქცევა შუაღამისას შეძლო, იპოვა პოლიციელები, რომლებმაც სადგურში მიიყვანეს. გოგონამ გადაწყვიტა, საელჩოსთვის მიემართა და დროებითი პასპორტი აეღო.
„ისინი უკან მომდევდნენ მანქანით, სადგურიდან საელჩომდე. სწორედ მაშინ გადაწყვიტა დედაჩემმა, სულიერად გავეტეხე, მითხრა, რომ ნაშვილები ვიყავი. მითხრა, რომ მთელი ოჯახი - დეიდები, ბიძები, ბებია, ბიძაშვილები ფიჯიზე აპირებდნენ ჩამოსვლას, მათ სახლები გაყიდეს. მარწმუნებდა, რომ აღარავინ დამრჩა, სადაც წასვლას შევძლებდი,“ - განაცხადა სეიოენმა.
თუმცა, ლი ამბობს, რომ ეკლესიაში დარჩენას ვერავინ აიძულებდა, წინააღმდეგ შემთხვევაში, თავს მოიკლავდა.
ლი ახლა სამხრეთ კორეაშია, აშშ-ში დასაბრუნებას ვეღარ ახერხებს, თუმცა სამსახური აქვს და ფიქრობს, რომ ბედნიერია.
„ჯერ კიდევ მიყვარს ჩემი ოჯახი, მაგრამ ვერასოდეს ვაპატიებ, რაც მე გამიკეთეს... და იმ ყველაფრის შემდეგ, რაც მოხდა, ჩემს ცხოვრებაში დაბრუნების ნებას აღარასოდეს მივცემ,“ - ამბობს სეოეონი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
