მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვეცდებით, სწრაფად დავასრულოთ მარიხუანას მოხმარებასთან დაკავშირებული ქაოსი - აკაკი ზოიძე
19:57 / 16-09-2018
ვეცდებით, რაც შეიძლება სწრაფად დავასრულოთ ქაოსი, რომელიც მარიხუანას მოხმარებასთან დაკავშირებით არის შექმნილი, - ამის შესახებ “ინტერპრესნიუსს“ პარლამენტის ჯანდაცვის კომიტეტის თავმჯდომარემ აკაკი ზოიძემ განუცხადა.
დეპუტატის ინფორმაციით, მიმდინარე კვირის პლენარული სხდომების ფარგლებში იმ საკანონმდებლო პაკეტის გატანა იგეგმება, რომელიც მარიხუანას მოხმარებასთან დაკავშირებულ სანქციებს ეხება. რაც შეეხება კანაფის მოყვანა-წარმოებასთან დაკავშირებულ პაკეტს, ზოიძე ამბობს, რომ მისი განხილვა საჯარო დისკუსიების გამართვამდე არ დაიწყება.
“ვეცდებით, რაც შეიძლება სწრაფად დავასრულოთ ქაოსი, რომელიც მარიხუანას მოხმარებასთან დაკავშირებით არის შექმნილი. შს სამინისტროს მიერ წარდგენილი პროექტით ჩვენ ვამბობთ, რომ მარიხუანას მოხმარება ყველგან შეზღუდულია, გარდა საკუთარი ბინისა - მოხმარება ყველა სხვა შემთხვევაში ადმინისტრაციული ან სისხლის სამართლის სანქციით დაისჯება. ერთადერთი სხვაობა არის ის, რომ პოლიცია პირს სახლში ვერ შეუვარდება და მარიხუანას მოხმარებაზე ჯარიმას ვერ დააკისრებს - შეუძლია მოიხმაროს ბინაში, ისიც თუ ამას არასრულწლოვანი პირი არ ესწრება. ჩვენ აქ რომ ჯარიმა დავაწესოთ, საკონსტიტუციო სასამართლოს მიერ მიღებული გადაწყვეტილების წინააღმდეგ წავალთ“, - განუცხადა “ინტერპრესნიუსს“ აკაკი ზოიძემ.
კანაფი/მარიხუანას თემაზე ორი - ერთმანეთისგან დამოუკიდებელი საკანონმდებლო პაკეტი პარლამენტის ბიუროს ინიცირებისთვის 17 სექტემბერს წარედგინება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
