მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მომავლის ასტრონავტი" საქართველოდან - "შეუძლებელი არაფერია! თუ მე შევძელი, სხვამ რატომ ვერ უნდა შეძლოს?!"
11:25 / 13-09-2018
ის პირველი ქართველია, ვინც კოსმოსში გაფრენაზე უბრალოდ კი არ ოცნებობს, რეალურად ელოდება დროს, როცა ეს საოცარი დღე დადგება, რისთვისაც ყველა ეტაპი გადალახა - პირველი ქართველი მომავლის ასტრონავტია. გვეუბნება, რომ მისი წარდგენისას აჯობებს დავწეროთ, როგორც დედამიწის თავისუფალი მოქალაქე, არადა, არსენ გვენეტაძე ექიმია, გინეკოლოგი, რეპროდუქტოლოგი, თსუ-ს პროფესორი და რეპროდუქციული კლინიკის ხელმძღვანელი.
"პირველი სერტიფიცირებული მომავლის ასტრონავტი ვარ, რადგანაც ფილადელფიაში სპეციალური ტრენინგი გავიარე... სანამ ვაშინგტონში ინტერვიუს გავივლიდი, ვთხოვე, ბაზაში გადაემოწმებინათ, იყო თუ არა იქ საქართველოს მოქალაქე დაფიქსირებული. არავინ აღმოჩნდა, ოფიციალური წერილიც გამომიგზავნეს, რომ ამ პროგრამაში ქართველი მონაწილე არასოდეს ყოფილა დაფიქსირებული. ასე გავხდი ისტორიულად პირველი ქართველი მომავლის ასტრონავტი", - გვიამბობს არსენ გვენეტაძე.
რესპონდენტი გვეუბნება, რომ კოსმოსური პროექტის არსებობის შესახებ 5 წლის წინ, მეგობრისგან, სანდრო ვახტანგოვისგან შეიტყო და დაინტერესდა:
"მსოფლიოს მასშტაბით ე.წ. მომავლის ასტრონავტები უნდა შერჩეულიყვნენ. ისინი ორბიტაზე ავიდოდნენ, შეხედავენ დედამიწას და უკან დაბრუნდებოდნენ. მერე ნახევრად ხუმრობით ვამბობდი, მინდა ზემოდან გადმოვხედო ტყიბულს, ადგილს, სადაც დავიბადე-მეთქი. რა თქმა უნდა, იქ უამრავი ინსპირაციაა, რაც მთავარია, საშუალება, გადახედო დედამიწას. აქ მთავარი მიზნისკენ სწარაფვაა და მისი შესრულება, იმიტომ, რომ ბედნიერება არის არა სტატიკაში, არამედ დინამიკაში, მოქმედებაში, "ექშენში“. ეს ყველაფერი მას შემდეგ უკეთ შევიგრძენი, რაც კიბო გადავიტანე" - აღნიშნავს ბატონი არსენი, ადამიანი, რომელმაც მძიმე სენისგან განკურნების შემდეგ, საკუთარ თავს გამოცდა მოუწყო.
სხვადასხვა სიმძიმის ტრენინგი წარმატებით დაძლია. გახდა ოფიციალურად სერტიფიცირებული ასტრონავტი, მოსამზადებელი პერიოდი ფილადელფიის ბაზაზე მიმდინარეობდა. "ახლაც რომ დამირეკონ, უნდა გამოფრინდეო, აქედანვე აეროპორტში წავალ, რომ პროექტში ჩავერთო", - გვეუბნება გვენეტაძე. ხომალდში მასთან ერთად დატრენინგებული 5 მომავლის ასტრონავტი იქნება და 2 პროფესიონალი პილოტი, რომლებიც მათ თანამგზავრობას გაუწევენ.
ფილადელფიაში გავლილ პრაქტიკულ პერიოდს ასე იხსენებს:
"კოსმოსის მსგავს სივრცეში მოგვათავსეს, გავიარეთ ისეთივე დატვირთვა და ყველა სირთულე, რაც უკვე კოსმოსში გველის. სპეციალურ კაფსულაში ვიყავით, თითოეული მარტო ვისხედით. შესაბამისი იმიტაცია საჭირო იყო, რომ თავი როგორც კოსმოსში, ისე გვეგრძნო, რაც ძალიან საინტერესო აღმოჩნდა. იმ პერიოდში ყველანაირი დაძაბულობა გადავლახე, ისეთი შთაბეჭდილება შემექმნა, თითქოს უკვე იქ ვიყავი. საინტერესო პროცესი იყო, მერე ვუყურებდი დედამიწას, რაც ძალიან მიმზიდველი და საინტერესო გახლდათ", - განმარტავს ბატონი არსენი და დასძენს, რომ ბავშვობაში, ბევრი პატარასგან განსხვავებით, სულაც არ ოცნებობდა კოსმონავტობაზე.
"1963 წელს ტყიბულში დავიბადე, გაგანია საბჭოთა კავშირის პერიოდი იყო, მაშინ რომ მეთქვა, კოსმონავტობა მინდა-მეთქი, ჩათვლიდნენ, ნორმალური არ ვიყავი. თუმცა მას მერე, რაც ჩემი ასტრონავტობის ამბავი გავრცელდა, ბევრმა მითხრა - კოსმონავტობა ჩემი ოცნება იყოო. 70-იან წლებში ტელევიზიით ხშირად აჩვენებდნენ კოსმონავტებს, მათი ფრენების შესახებ ინფორმირებულები ვიყავით. ამიტომ გამოვტყდები, ხანდახან გონებაში ალბათ მეც გამიელვებდა ამის სურვილი, მაგრამ იქვე ვბლოკავდი, ამას ხმამაღლაც არ ვამბობდი. 50 წლისამ კი უკვე ამ მიმართულებით პირველი ნაბიჯები გადავდგი", - აღნიშნავს რესპონდენტი.
სანამ ამ ექსპერიმენტში მონაწილეობას გადაწყვეტდა, რამდენიმე წლით ადრე, როგორც უკვე აღვნიშნეთ, უმძიმესი დაავადება დაძლია:
"რამდენიმე ოპერაცია გადავიტანე, გართულებაც იყო, ბოლო ოპერაცია 8 წლის წინ გავიკეთე. დღემდე კვლევებზე ვარ და სრულიად ჯანმრთელი გახლავართ... ასე რომ, ვინმეს რომ გაუჩნდეს მსგავსი სურვილი, უპირველესად მთავარი ჯანმრთელობაა, შიში არ უნდა ჰქონდეს სიმაღლის, ძლიერი დატვირთვების გადატანა უნდა შეეძლოს და ამ ყველაფერთან, მთავარი მონდომებაა და შეუძლებელი არაფერია. თუ მე შევძელი, სხვამ რატომ ვერ უნდა შეძლოს?! ჩემი ერთ-ერთი ყველაზე მნიშვნელოვანი ნახატი მივუძღვენი ბრაიენ ტრეისის გამონათქვამს, რომ პიროვნების ბედნიერების 85% ადამიანურ ურთიერთობებშია, 15% კი - პროფესიულ წარმატებაში", - დასძენს ბატონი არსენი.
მისი განმარტებით, ბედნიერებაა მიზნის დასახვა და მიზნისკენ სწრაფვა, ამას ამბობს საუკუნეების განმავლობაში ყველა წარმატებული ადამიანი, ამას გვიჩვენებს ცხოვრება და ამასვე ადასტურებს რეალობა.
"თუ ადამიანმა იცის, რა უნდა, მიზნად უნდა დაისახოს და მისკენ სვლა განახორციელოს. ამას მოაქვს ბედნიერება და ეს პროცესი ადამიანის მოტივაციის მთავარი მსაზღვრელია. მე ასე ვფიქრობ და ეს ჩემი მოგონილი არ არის. ამის განხორციელებას ვცდილობ ცხოვრებაში - რისი შეცვლაც შეიძლება, მასზე ნერვიულობა ჯანმრთელობას ვნებს, ხოლო რისი შეცვლაც არ შეიძლება, იქ ნერვიულობა უსაფუძვლოა!" - ამბობს ქართველი "მომავლის ასტრონავტი".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
