"დინამო არენასთან" აქცია ამ დრომდე არ დაწყებულა - "ქართული მარშის" სამი წევრი გამოკითხვაზეა გადაყვანილი
შინაგან საქმეთა სამინისტროს ინფორმაციით, "ქართული მარშის" წევრი კონსტანტინე მორგოშია და რამაზ გაგნიძე დაკავებულები არ არიან, არამედ პოლიციაში გამოკითხვაზე არიან გადაყვანილი, - ამის შესახებ "ინტერპრესნიუსს" შსს-ს პრესსამსახურში განუცხადეს.
მათივე ინფორმაციით, ასევე გამოკითხვაზე იმყოფება "ქართული მარშის" წევრი მიხეილ ამისულაშვილი.
"ქართული მარშის" მიერ 18:00 საათზე დაანონსებული საპროტესტო აქცია გურამ კაშიას წინააღმდეგ ამ დრომდე არ დაწყებულა. აქცია "დინამო არენას" ცენტრალურ შესასვლელთან უნდა ჩატარებულიყო. ადგილზე "ქართული მარშის" 20-მდე წევრი იმყოფებოდა. მათი განცხადებით, შსს-ს დაკავებული ჰყავს მათი ორგანიზაციის ლიდერები, მათ შორის კონსტანტინე მორგოშია და რამაზ გაგნიძე, რის გამოც ისინი აქციას ვერ იწყებენ.
"ქართული მარში" გურამ კაშიასგან ლგბტ საზოგადოების მხარდაჭერისთვის ბოდიშის მოხდას ითხოვს.
თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."
შსს-ს გაფრთხილება აქციის მონაწილეებს - უწყება განცხადებას ავრცელებს
