24 წლის გოგონა მასზე უფროს მამაკაცებს ხვდება და თითო შეხვედრაზე 800 ფუნტს გამოიმუშავებს

ახალგაზრდა მსახიობმა განაცხადა, რომ გაცნობის საიტის საშუალებით ის მასზე ბევრად ასაკოვან მამაკაცებს ხვდება და თითო შეხვედრაზე 800 ფუნტს გამოიმუშავებს. „დეილი მეილის“ ინფორმაციით, 24 წლის ლონდონელი ლექსი ჯეი საიტზე მეგობარ ბიჭთან დაშორების შემდეგ, 2017 წელს დარეგისტრირდა.

შეხვედრებზე ის უამრავ საჩუქარს იღებს, ვახშმობს ძვირფას რესტორნებში, თუმცა ლექსის სურს, საბოლოოდ საიტის საშუალებით მისთვის სასურველი მამაკაცი იპოვოს, ვისთანაც დიდი ხნის ურთიერთობა ექნება.

გოგონას თქმით, მან გაიცნო იურისტები, კომპანიების აღმასრულებელი დირექტორები, ბანკირები და ადასტურებს, რომ შეხვედრების ნაწილი სექსით სრულდება.

„მომწონს, როცა ჩემზე ზრუნავენ, კარგად მეპყრობიან და ლამაზ ადგილებში დავყავარ, მე ეს ყველაფერი მაქვს. მინდა ვიპოვო ჯენტლმენი, რომელიც შემომთავაზებს ცხოვრებას, რომელიც მომწონს და ამასთან - კარგად შევეწყობით ერთმანეთს,“ - ამბობს ლექსი.

მისი თქმით, არაფერია შეურაცხმყოფელი, თუ შეხვედრების დროს მამაკაცებისგან ფულს აიღებს. ლექსის თქმით, ყველაზე ასაკოვანი, ვისაც შეხვედრია, 58 წლის მამაკაცი იყო.