ვარსკვლავები, რომლებიც ქრონიკული დაავადებებით იტანჯებიან

ფულით ყველაფერს ვერ იყიდით, მათ შორის, ჯანმრთელობასაც. წარმოგიდგენთ 8 ცნობილ ადამიანს, რომლებსაც ქრონიკული დაავადებები აწუხებთ.

ამერიკაში ერთ-ერთი ყველაზე პოპულარული ოჯახის, ცნობილი წევრი, კიმ კარდაშიანი ფსორიაზით იტანჯება. ერთი შეხედვით იდეალური კანის მიღმა, ქრონიკული დაავადება იმალება, რომლის დიაგნოზიც ექიმებმა მას 2011 წელს დაუსვეს. ფსორიაზი კანის ერთ-ერთი ყველაზე გავრცელებული ქრონიკული დაავადებაა. მას თან სდევს კანის აქერცვლა და ანთებითი ცვლილებები. დაავადება მოიცავს თითქმის მთელ სხეულს და შეიძლება სერიოზული ზიანი ორგანოებსაც კი მიაყენოს.

კიმ კარდაშიანმა ერთ-ერთ ინტერვიუში ისიც კი აღიარა, რომ ფსორიაზის მკურნალობისთვის თავისი მეძუძური დის, კორტნი კარდაშიანის რძესაც კი იყენებდა.

მომღერალ ტონი ბრექსტონს ლუპუსისა და ანტიფოსფოლიპიდური სინდრომის დიაგნოზი 15 წლის ასაკში დაუსვეს. ლუპუსი - კანისა და ლორწოვანი გარსების ავტოიმუნური, ქრონიკულად მიმდინარე დაავადებაა და წითელი ფერის ლაქები ახასიათებს. ანტიფოსფოლიპიდური სინდრომის დროს ადამიანის იმუნური სისტემა შეცდომით საკუთარი ჯანმრთელი ქსოვილებისა და ორგანოების წინააღმდეგ იწყებს ბრძოლას.

ლაიმის ქრონიკული დაავადება აქვს ჰადიდების ოჯახის სამ წარმომადგენელს და ჰოლივუდის ერთ-ერთი ყველაზე გავლენიან მსახიობ ალეკ ბოლდუინსაც. ლაიმის დაავადება ინფექციაა, რომელიც ტკიპების საშუალებით გადადის. მან შესაძლოა, ართრიტის, გულის და სხვა დაავადებების განვითარებას შეუწყოს ხელი.

ულამაზეს მსახიობს, "ოსკაროსან" კეტრინ ზეტა ჯონსს ბიპოლარული აშლილობა აქვს. თუმცა, საკუთარ დაავადებაზე მსახიობი მხოლოდ მკურნალობის დასრულების შემდეგ ალაპარაკდა. ამის მიზეზად კი, აშლილობის ირგვლივ არსებული სტერეოტიპების დამსხვრევა დაასახელა.

ჰოლივუდის ტიტულოვან მსახიობს, მორგან ფრიმენს ჯერ კიდევ აქვს ახალგაზრდა მამაკაცის ენერგია, მაგრამ წლების წინ, მას ფიბრომიალგიის დიაგნოზი დაუსვეს. ფიბრომიალგია დაავადებაა, რომელსაც მთელი სხეულის კუნთების ტკივილი ახასიათებს. ტკივილს თან ახლავს სისუსტე, ძილის, მეხსიერებისა და გუნება-განწყობის გაუარესება ნახეთ მეტი ვიდეოში