შორენა ბეგაშვილი საქორწინო კაბით - "ყველაზე ლამაზი პატარძალი!"

მსახიობმა და ტელეწამყვანმა შორენა ბეგაშვილმა სოციალურ ქსელში განთავსებული ახალი ფოტოებით ყველა დააბნია. ფოტოებზე შორენას საქორწინო კაბა აცვია და შთამბეჭდავად გამოიყურება. ბეგაშვილმა ფოტოებს ორაზროვანი მინაწერი გაუკეთა: "ეს დღე..."

"ინსტაგრამზე" გავრცელებულ ფოტოებს უამრავი კომენტარი მოყვა. შორენას მეგობრები და ფანები სწერენ, რომ ის ულამაზესია და ძალიან უხდება თეთრი კაბა:

"უდიდეს ბედნიერებას გისურვებ, ნამდვილად იმსახურებ!"; "სიტყვები ზედმეტია"; "ყველაზე ლამაზი პატარძალი!"; "ნამდვილი პრინცესა ხარ"; "შოკა შოკი ხარ!"; "როგორ გიხდება საქორწინო კაბა, ახლავე ვიქორწინებდი შენზე" - წერენ კომენტარებში "ინსტაგრამის" მომხმარებლები.

ინტრიგა ინტრიგად რჩება - უცნობია, ნამდვილად იქორწინა თუ არა შორენა ბეგაშვილმა, თუმცა ცნობილია, რომ ტელეწამყვანი უკვე რამდენიმე თვეა საყვარელ მამაკაცთან ირაკლი ნანაძესთან ერთად ცხოვრობს. ივლისში ნანაძემ ბეგაშვილს გრანდიოზული დაბადების დღე გადაუხადა, სადაც წყვილმა ერთად გაჭრა საიუბილეო ტორტი.