29
მაისიდღის ზოგადი ასტროლოგიური პროგნოზი
მაკა ასათიანის მაღაზიას ბარსელონაში, ჯერ კიდევ გახსნამდე, კიანუ რივზის დედა, პატრიცია რივზი ეწვია. ამის შესახებ სოციალურ ქსელში ასათიანის მეგობარი, ფატიმა იბრაგიმბეკოვა წერს.
მაღაზია Dariali ესპანეთში გასულ წელს გაიხსნა. ამჟამად კი მისი რეკონსტრუქცია მიმდინარეობს და როგორც ვებ-გვერდზეა მითითებული, სულ მალე ასათიანის მაღაზია მომხმარებლებს უფრო დიდ სივრცეში უმასპინძლებს, სადაც გალერეა და რესტორანიც იქნება განთავსებული.
შემთხვევა, რომლის შესახებაც იბრაგიმბეკოვა წერს, გასულ წელს მოხდა. ფატიმა იხსენებს, რომ მაღაზიის გახსნამდე რამდენიმე დღე იყო დარჩენილი, პროდუქცია კი - ყუთებიდან ჯერ კიდევ არ ჰქონდათ ამოღებული, როდესაც მათთან ასაკოვანი, ლამაზი ქალი შევიდა და იკითხა, ჰქონდათ თუ არა მაღაზიაში Delpozo-ს სამოსი. მენეჯერმა უპასუხა, რომ Delpozo ჰქონდათ, თუმცა მაღაზიის გახსნა მხოლოდ ივლისის ბოლოს იგეგმებოდა. იბრაგიმბეკოვა წერს, რომ პასუხმა ქალი გააღიზიანა, თუმცა შემდეგ მენეჯერს აუხსნა, რომ დიზაინერის პროდუქციას ბარსელონაში ვერსად მიაგნო და ინტერნეტსაძიებო სისტემამ მხოლოდ მაღაზიაში Dariali უჩვენა.
ქალმა კატეგორიულად განაცხადა, რომ მას აუცილებლად სჭირდებოდა Delpozo-ს რამდენიმე კაბა.
„ამის შემდეგ კი ისეთი პაუზა გააკეთა და თვალებში ისეთი სევდა ჩაუდგა, რომ მოგვიხდა ყუთების გახსნა და მთელი კოლექცია ვაჩვენეთ. ქალმა ჩაიცვა ველაფერი და საბოლოოდ აარჩია ოქროსფერი შარვლები, მაისურები პეპლის ფრთებით და სხვა ისეთი ექსტრავაგანტული სამოსი, რომლის ჩაცმასაც მე ვერასოდეს გავბედავდი. თუმცა მას არანაირი კომპლექსი არ ჰქონდა. ძალიან კონტაქტური იყო, ბევრი ვისაუბრეთ და მოგვიყვა საკუთარი ცხოვრების შესახებ, ბევრი ისაუბრა შვილებზე, განსაკუთრებით კი - ვაჟზე, რაც სულაც არ არის გასაკვირი. შეუძლებელია, ასეთი შვილით არ იამაყო. სწორედ იმ დილას ვნახე რამდენიმე ვიდეორგოლი კიანუ რივზის შესახებ, რამდენიმე საათის შემდეგ კი მისი დედა გავიცანი!“ - წერს იბრაგიმბეკოვა.
