მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა გაიხსენეს ბარაკ ობამამ და ჯორჯ ბუშმა მაკკეინის შესახებ - სენატორს დღეს დაკრძლავენ
13:01 / 02-09-2018
მე და პრეზიდენტი ბუში იმ იღბლიანებს შორის ვიყავით, ვისაც შესაძლებლობა ჰქონდა ჯონ მაკკეინის კონკურენტები ვყოფილიყავით ყველაზე მაღალ პოლიტიკურ დონეზე, - ამის შესახებ სენატორ ჯონ მაკკეინის პანაშვიდზე აშშ-ს ყოფილმა პრეზიდენტმა ბარაკ ობამამ განაცხადა.
„როდესაც მაკკეინმა მთხოვა მის პანაშვიდზე სიტყვით გამოვსულიყავი ეს ჩემთვის განსაკუთრებული და უძვირფასესი პატივი იყო“, - აღნიშნა ბარაკ ობამამ.
აშშ-ს ყოფილმა პრეზიდენტმა 2008 წლის საპრეზიდენტო არჩევნები გაიხსენა, როდესაც სენატორი მაკკეინი მისი კონკურენტი იყო.
„მან ჩვენ უკეთესი პრეზიდენტები გაგვხადა. ისევე როგორც მან უკეთესი გახადა სენატი და რაც მთავარია, ჩვენი ქვეყანა“, - განაცხადა ობამამ.
„პირადი საუბრებისასაც ჩვენ გამოვთქვამდით იმ უთანხმოებას, რაც გაგვაჩნდა. ეს რეალური და ხშირად ღრმა უთანხმოება იყო. თუმცა, ჩვენ სიამოვნებას ვიღებდით იმ დროისგან, რომელსაც ერთად ვატარებდით და ერთმანეთისგან ბევრს ვსწავლობდით. ჩვენ არასოდეს გვეპარებოდა ეჭვი იმაში, რომ ერთ გუნდში ვიყავით“, - აღნიშნა აშშ-ს ყოფილმა პრეზიდენტმა.
თავისი გამოსვლა ბარაკ ობამამ დაასრულა სიტყვებით: „ღმერთმა დალოცოს ჯონ მაკკეინი! ღმერთმა დალოცოს ეს ქვეყანა, რომელსაც ის ასე კარგად ემსახურებოდა!“.
ზოგიერთი სიცოცხლე იმდენად კაშკაშაა, რომ რთულია იმის წარმოდგენა, რომ დასრულდა. ზოგიერთი ხმა იმდენად ძლიერია, რომ რთულია იმის გააზრება, რომ ამიერიდან გაჩუმებული იქნება, - ამის შესახებ ვაშინგტონში, ეროვნულ საკათედრო ტაძარში სენატორ ჯონ მაკკეინის პანაშვიდზე სიტყვით გამოსვლისას აშშ-ს ყოფილმა პრეზიდენტმა ჯორჯ ბუშმა უმცროსმა განაცხადა.
„ბოლო წლების განმავლობაში მე და ჯონი ვიხსენებდით ჩვენს პოლიტიკურ კონკურენციას, როგორც ფეხბურთელები იხსენებენ დიდ თამაშს. საბოლოოდ კი, მე მივიღე ჩემი ცხოვრების ერთ-ერთი უდიდესი საჩუქარი: ჯონ მაკკეინის მეგობრობა. მე ის ძალიან დამაკლდება“, - განაცხადა აშშ-ს ყოფილმა პრეზიდენტმა.
სიტყვით გამოსვლისას ჯორჯ ბუშმა ასევე ისაუბრა იმ ღირსებებზე, რომელიც სენატორ ჯონ მაკკეინს ჰქონდა.
„უპირველეს ყოვლისა, ჯონი იყო ზნეობრივი ადამიანი. ის იმ ღირსებებით ცხოვრობდა, რამაც ძალა და მიზანი შესძინა მის ცხოვრებასა და ქვეყანას. ის მამაცი იყო და ისეთი სიმამაცე ჰქონდა, რომელმაც მისი დამატყვევებლები შეაშინა და მისი თანამემამულეები შთააგონა. ის პატიოსანი იყო. ის ყოველთვის აღიარებდა, რომ მისი ოპონენტები პირველ რიგში პატრიოტები იყვნენ. ჯონი ყველაზე უფრო ვერ იტანდა ძალაუფლების ბოროტად გამოყენებას. მასში იყო რაღაც, რას მას აიძულებდა მხარი დაეჭირა მივიწყებულ ადგილებში მივიწყებული ხალხისთვის“, - აღნიშნა ჯორჯ ბუშმა.
სენატორ ჯონ მაკკეინის დაკრძალვის ცერემონია დღეს გაიმართება. ჯონ მაკკეინს ქალაქ ანაპოლისში, მერილენდის შტატში დაკრძალავენ, სადაც აშშ-ს საზღვაო აკადემია მდებარეობს,რომელიც სენატორმა დაამთავრა.
მაკკეინმა, რომელიც 25 აგვისტოს ტვინის სიმსივნით 81 წლის ასაკში გარდაიცვალა, ჯერ კიდევ საკუთარ სიცოცხლეში განსაზღვრა იმ სტუმრების სია, რომლებიც მის დაკრძალვას უნდა დაესწრონ.
აღნიშნულ სიაში თითქმის ყველა გავლენიანი ამერიკელი პოლიტიკოსი მოხვდა, აშშ-ს პრეზიდენტის დონალდ ტრამპის გარდა.
აღსანიშნავია ისიც, რომ მაკკეინმა წინასწარ დაასახელა ის პირები, ვინც მის ჩასასვენებელს წაიღებს.
სიკვდილის წინ სენატორმა აშშ-ს მოსახლეობისადმი ბოლო მიმართვა გაავრცელა.
„მე ვცდილობდი ჩვენი ქვეყნისთვის ღირსეულად მემსახურა. ვუშვებდი შეცდომებსაც, თუმცა იმედი მაქვს, რომ ამერიკისადმი ჩემი სიყვარული შეცდომებს გადაწონის“, - განაცხადა მაკკეინმა.
გარდა ამისა, საკუთარ მიმართვაში მაკკეინმა მადლობა გადაუხადა ამერიკელებს. „მათთვის მსახურების პატივისთვის და იმ ცხოვრებისთვის, რომელიც მას ჯარში და პოლიტიკაში გატარებული წლების საშუალებით ჰქონდა“, - ნათქვამია სენატორის ბოლო მიმართვაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
